Home dezenvolvimentu Autoridade Maritima Halibur UPM-Forsa Naval Servisu Hamutuk

Autoridade Maritima Halibur UPM-Forsa Naval Servisu Hamutuk

513
0
SHARE
Ministro Defeza, Filomeno Paixao de Jesus. Photo: Spesial

By: Hortencio SANCHES

THETIMOR-NEWS.com, DILI – Ministru Defeza Filomeno Paixao hatete, Programa VIII Governu Konstitusional tau importansia mos ba autoridade maritime atu nune’e bele halibur Polisia Nasional Timor – Leste (PNTL) hosi Unidade Patrollamentu Maritima (UPM) no Falintil Forsa Defeza Timor – Leste (F-FDTL) hosi Komponente Naval bele servisu hamutuk hodi kontrola fronteira maritime nasaun nian.

Ministru ne’e esplika, autoridade maritime ne’e ema no sistema autoridade maritime iha organizmu no ministeriu barak involve hotu iha laran.

“Autoridade maritime intrega ba defeza, bainhira intrega ona Ministru Defeza sei hatudu se mak atu ba kaer autoridade ne’e no sistema ne’e mak kordena ministeriu barak, bele iha alfandega, Ministeriu Transporte, Obras Publiku, Polisia no seluk tan,” dehan Filomeno ba Jornalista hafoin partesipa seminariu kona ba tasi ne’ebe halo iha salaun Ministeriu Finansas Dili, Kinta (16/08/2018).

Tanba tasi kosta sul oras ne’e daudaun sei abandonadu hela, Ministru ne’e dehan, ba oinsei esforsu hodi orienta unidade rua hosi PNTL no F-FDTL atu servisu hamutuk hodi kontrola.

“Forsa rua ne’e servisu hamutuk ona ita bele forma fali sira nain rua sai fali guarda kosteira, ne’ebe ita labele duplika marina rua, forsa rua ne’e bainhira aban bairua iha ro bot on aba liu iha kosta sul, ba iha ne’ebe atu halo nusa sira servisu hamutuk hodi kontrola ro illegal sira,” dehan Ministru ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here