Home dezenvolvimentu Xanana Kontinua Esforsu Lori GSR Mai Timor – Leste

Xanana Kontinua Esforsu Lori GSR Mai Timor – Leste

2130
0
SHARE
Prezidente AMP Kay Rala Xanana Gusmao. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Negosiador Prinsipal Fronteira Maritima Timor – Leste Kay Rala Xanana Gusmao hatete, kontinua esforsu no halo sorumutu ho kompania internasional sira iha Australia hodi dezenvolve Greater Sun Rise bele lori mai Timor – Leste.

Xanana Dehan, nia parte daudauk ne’e hein hela orsamentu atu diskuti bele passa iha Parlamentu nasional no la kleur tan bele hasoru malu ona ho kompania ne’ebe atu esplora GSR.

“Hosi setor Petroleu sira hare ona tanba perosesu konsiliasaun obrigatoria agora daudauk ne’e seidauk hotu ho objetivu katak, fronteira iha ona mais buat sira ne’ebe ligadu ba uluk kona ba tasi Timor nian,” dehan Xanana ba Jornalista iha edifisiu G7+ Dili, Kuarta (15/08/2018).

Xanana esplika, bainhira iha ona ratifikasaun 10% ne’ebe uluk hosi Baiundan ba Australi bele fila hikas ma Timor – Leste.

“Greater Sun Rises ne’e mak dehan rejimi tranzitori ida atu hare oinsa, hau kal seidauk dehan buat ida maibe ami iha ona planu hodi hasoru ho Joint Venture mak iha ona rejultadu ruma mak sei fo sai fali,” dehan lider karismatiku ne’e.

Maski daudauk ne’e parte barak duvidas ho GSR ne’ebe seidauk bele mai lalais Timor – Leste, eis Primeiru Ministru ne’e dehan, ema hotu iha liberdade atu duvida maibe rezultadu hatudu hafoin hatene.

“Uluk Fronteira Maritima ema barak duvida, to ikus ita hetan duni nia solusaun, maibe duvida ne’e direitu ema hotu-hotu nian,” dehan eis Prezidente RDTL ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here