Home dezenvolvimentu Governu Tenki Gasta Osan ho Kuidadu

Governu Tenki Gasta Osan ho Kuidadu

270
0
SHARE
Jurista Timoroan, Manuel Tilman. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Jurista Timoroan Manuel Tilman hatete, Governu tenke gasta osan ho kuidadu atu nune’e to 2023 osan labele hotu.

Jurista ne’e afirma, bainhira Timor – Leste laiha ona osan mak indonezia sei okupa hikas nasaun ne’e liu hosi dalan ekonomia.

“Osan ne’ebe atu transfere hosi Fundu Petroliferu 140 miloens ne’e sei bele to hodi bele funsiona makina esatdu, depois sei ba foti tan 1 bilioens pontu 200 miloens ne’e osan barak ne’e, gasta osan ida hanesan ne’e molok to 2023 osan bele hotu, osan kuandu laiha indonezia sei fila fali mai laos ona hodi kilat maibe lori deit supermi,” dehan Tilman ba Jornalista iha nia knar fatin Pantai Kelapa Dili, Sesta (10/08/2018).

Nia hatutan, bainhira Indonezia tama lori supermi, maubere foho sei la simu no maubere Dili mak sei simu tanba hakneak deit hodi simu supermi.

“Hau nia esperansa mak ida ne’e, mina rai laiha mos foho sira sei moris nafatin, sira ne’ebe tabele hela deit ba governu ne’e mina rai laiha agora tabele hotu ba supermi,” dehan Tiliman.

Hare ba krize ekonomia lao namanas ona eis deputadu I lejislatura ne’e hatete, hun mai hosi Aliansa Maioria Parlamentar ne’ebe lakoi aprova orsamentu ratifikativu aprezenta hosi governasaun FRETILIN.

“AMP lakoi aprova orsamentu ratifikativu hosi FRETILIN nian mak ita hodi tama ba situasaun ida hanesan ne’e,” dehan nia.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here