Home dezenvolvimentu Sentral Elétrika Betano la Funsiona

Sentral Elétrika Betano la Funsiona

543
0
SHARE
Ministro Obras Publiku Salvador Pires. Photo: TTN/Hortencio Sanches

By: Hortencio SANCHES

THETIMOR-NEWS.com, Dili – Ministro Obras Publiku (MOP) Salvador Soares dos Reis Pires hatete, sentral elétrika Betano Manufahi daudauk ne’e paradu hela tanba kompainia la ofrese mina.

“Agora daudaun ita simu hela fornesimentu eletrika hosi Hera ninian, tanba Betano produdaun para lai tanba kompania ne’ebe ofrese mina la ofrese ona,” dehan Ministro Salvador ba Jornalista iha nia knar fatin Caicoli Dili, Kinta (09/08/2018).

Governante ne’e haktuir, kompania ne’ebe ofrese konvustivel ba sentral eltrika Betanu mak SAKOM.

“Betano nian SAKOM mak oferese konvustivel, maibe iha 24 Jullu liu ba sira informa ba Diretor Jeral EDTL katak sira para ona fornese mina tanba deit dividas barak seidauk selu,” dehan Governante ne’e.

Tanba ne’e, Governu liu hosi MOP hasai ona karta ba komapnia SAKOM ho komprimisiu ne’ebe forte no komprometidu sei selu dividas hirak ne’ebe Governu anterior husik hela.

“Orsamentu tranjitoriu 2018 nian tau prioridade atu selu dividas fornesimentu konvustivel ba ita nia estasaun eletrika rua, nune’e hau fiar katak kompainia sira sei fiar komprumisiu Governu nian hodi ofrese konvustivel,” dehan nia.

Nia afirma, hakarak ka lakoi Governu sei tau prioridade hodi halo pagamentu ba kompania ne’ebe durante ne’e ofrese hela mina ba sentral eletriku hirak ne’e.

Daudauk ne’e, sentral eletrika Hera mesak ofrese enerjia ba teritoriu latan tomak, no konvustivel ofrese hosi kompania rua hanesan ETO ho SAKOM.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here