Home ekonomia Ró Ilegal Besik 50 Naok Ikan Livre Iha Tasi Mane

Ró Ilegal Besik 50 Naok Ikan Livre Iha Tasi Mane

218
0
SHARE
Diretor Peskas MAP, Acacio Guterres. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Timor – Leste nasaun sobernu ne’ebe hamrik iha nasaun hotu nia let iha mindu, maibe daudauk ne’e Ró ilegal barak hosi nasaun estranjeiru sai tama livre hodi kaer ikan sira ne’ebe partensi tasi Timor.

Diretor Peska Ministeriu Agrikultura (MAP), Acaçio Guterres informa, kada loron Ró peska estranjeiru besik 50 resin halo aktividade kaer ikan ilega iha teritoria tasi Timor.

“Ami preokupa liu mak agora, ami halo munitor iha Ró peska ilegal ne’ebe tama iha ita nia tasi hodi halo peska ilegal, ami labele halo buat ida so informa deit ba parte Forsa Naval ho Unidade Patrollamentu Maritima (UPM) mak hare maibe sira mos dehan situasaun hanesan ne’e sira labele halo operasaun tanba konvustivel laiha,” dehan Acacio ba Jornalista iha nia knar fatin Komoro Dili, Kinta (09/08/2018).

Nia dehan, sente triste tanba governu labele foti assaun ruma hasoru Ró hirak ne’e, tanba impasse politiku ne’ebe seidauk remata.

Alende ne’e iha mos Ró ida agora para permanente iha parte Uatu Carbau nian durante fulan ida resin ona.

“Ró ilegal sira ne’e agora ida para hela iha tasi Uatu Carbau nian, distasia la dok kuaze kilometru rua resin hosi rai maran tama ba, Ró sira ne’e para iha ne’eba tanba agora daudaun hosi parte Iliomar nian mai to Uatu Carbau boek tasi sae makas ne’e mak sira para permanente iha ne’eba,” dehan Acaçio.

Enkuantu tuir informasaun ne’ebe diresaun peskas hetan, Ró hirak ne’e barak hosi nasaun viziñu Indonesia no seluk tan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here