Home nasional Komandante F-FDTL Postu Tunu Bibi Detein Ona iha Sela PM

Komandante F-FDTL Postu Tunu Bibi Detein Ona iha Sela PM

1497
0
SHARE
Xefe Estadu das Forsas Armada, Maijor Jeneral Lere Anan Timur. Photo: TTN/Hortencio Sanches

By: Hortencio SANCHES

THETIMOR-NEWS.com, DILIDurante semana hirak liu ba povu tomak iha teritoriu laran tomak sente paniku tanba Falintil Forsa Defeza Timor – Leste (F-FDTL) no Polisia Nasional Timor – Lste (PNTL) tiru malu iha jinajiu Maliana Munisipiu Bobonaru.

Tanba ne’e, oras ne’e daudaun Xefi Estadu Maior das Forsas Armada F-FDTL Maijor Jeneral Lere Anan Timur hatun ona despasiu hodi detein kapitaun ne’ebe komanda iha Postu F-FDTL Tunu Bibi iha sela Polisia Militar (PM) nian durante oras 72.

Hare ba kazu ne’e espalla iha munisipiu hotu, Lere lori instituisaun nia naran husu deskulpa ba publiku liu-liu ba povu tomak iha area rural ne’ebe paniku ba akontesimentu ne’e no nia promote ba oin sira sei eduka membru hotu ho diak nune’e bele sai profesionalismu.

“Hau hanesan sira nia komandante husu deskulpa ba publiku hotu, maibe buat ne’e laos ema seluk mak halo maibe imi nia oan sira mak halo sala, nune’e ami sei buka meius oinsa atu bele hanorin sira ho kualidade no profesionalismu,” dehan Lere hafoin remata sorumutu ho Prezidente Repulika (PR) Francisco Guterres Lu-Olo iha Palacio Presidensial Bairu Pite Dili, Kuarta (08/08/2018).

Nia informa, detensaun ne’ebe halao ba komandante ne’e normalmente oras 72 maibe, nia hanesan ulun iha instituisaun ne’e lakoi fo toleransia ba komandante ne’e.

“Normalmente nia tama oras 72 maibe ida la manda hau nia sei tama 72 oras, 72 oras to prosesu ne’e remata, tanba hau rona iha ne’eba dehan lanu, tiru Polisia mos lanu tiru, entaun ida ne’e ita labele admiti iha instituisaun tanba regra military labele hemu tua sai lanu, primeiru bainhira uza farad segundu la tau farad mos o reprezenta nafatin instituisaun,” dehan Lere.

Ho nune’e, PNTL no F-FDTL kopera hamutuk ona hodi haruka ekipa jdisiariu hodi tun direitramente hodi halo investigasaun hodi hatene los se mak los no sala.

 Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here