Home nasional Samuel Marçal Troka Pozisaun Xanana Gusmao

Samuel Marçal Troka Pozisaun Xanana Gusmao

959
0
SHARE
Primeiru Ministru Taur Matan Ruak. Photo: Spesial

By: Fidelio RAMOS

THETIMOR-NEWS.com, DILI – Prezidente AND Samuel Marcal hetan fiar hosi Primeiru Ministru Taur Matan Ruak hodi asumi pasta hanesan Ministru Planeamentu Investimentu Estratejiku (MPIE) hodi troka kandidatu Kay Rala Xanana Gusmao.

Antes ne’e Xanana Gusmao mak kandidatu forte hodi assume pasta refere no tanba deit kestaun politiku lider ne’e rejigna an hosi lista kandidatura.

Alende Samuel, iha mos Ministru Petroleum no Minerais Alfredo Pires no Vise Ministru Agrikultura Roserio Mendonca.

Tanba ne’e, Prezidente Republika (PR) Francisco Guterres Lu-Olo sei fo posse ba membru governu hirak ne’e iha tempu besik.

“Ita nia prezidenti kompremete atu fo posse ba ministru  2 ne’e  ho vice ministru ida  maibe sira seluk mak seidauk iha solusaun hodi posse,” dehan PM Taur ba Jornalista hafoin remata inkontru semanal ho PR Lu-Olo iha Palacio Prezidensial Bairu-Pite, Kinta (02/08/2018).

Maibe Xefi Governu kontinua halo nafatin dialogu atu hetan solusaun ba membru governu nain 9 ne’ebe mak to’o agora seidauk posse.

Tuir nia dehan, maske Xanana Rejigan husi nia governu maibe kontinua fo apoiu nafatin  tanba Xanana atu konsentra liu ba asuntu fronteira terrestres entre Indonezia ho Timor-Leste no konsentra mos ba asuntu greater Sunrise ho kompainia.

“Mezmu nia agora laos ona membru maibe apoiu nafatin hanesan mos sosiedade tomak tanba nasaun ne’e laos governu nian deit ne’e ita hotu nian,” dehan nia.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here