Home dezenvolvimentu Programa Governu Da-Ualu Sei Promove Ambiebte Negosiu Favoravel

Programa Governu Da-Ualu Sei Promove Ambiebte Negosiu Favoravel

332
0
SHARE
Primeiru Ministru Taur Matan Ruak. Photo: Spesial

By: Hortencio SANCHES

THETIMOR-NEWS.com, Dili – Programa VIII Governu Konstitusional sei tau mos prioridade ba aktividade negosiu hotu iha Timor – Leste ho ambiente favoravel.

“Ami  hakarak promove ambiente negósiu nian ida ne’ebé favoravel hodi estabelese empreza foun sira ho produtu hirak ne’ebé disponibiliza liuhusi rede sosiál, tantu iha nivel rai-laran no mós rai-li’ur nian, hodi kontribui ba esforsu internasionalizasaun ekonomia,” dehan Primeiro Ministro Taur iha nia diskursu da-huluk bainhira debate programa VIII Governu ne’ebe halo iha Parlamentu Nasional, Kuarta (25/07/2018).

Alende ne’e sei tau mos prioridade ba area komunikasaun sosial ne’ebe iha kualidade hodi fahe informasaun ne’ebe diak ba publiku.

“Iha Komunikasaun Sosiál nian Ita fó ona hakat sira ne’ebé importante tebes atu garante imprensa ida ne’ebé moderna, profisionál, kredivel no livre, tuir prátika internasionál hirak ne’ebé di’ak-liu, hodi garante asesu ba fonte informasaun nian sira, ba liberdade editoriál, ba protesaun independénsia, ba sijilu profisionál no ba direitu atu kria jornál, publikasaun no meiu difuzaun nian sira-seluk,” dehan Taur.

Liberdade Imprensa no Meiu Komunikasaun  sira-ne’e hetan ona apoiu, to’o oras ne’e, ba polítika ida ne’ebé maka la’o hela, kona-ba regulamentasaun progresiva setór ne’e nian liuhusi estabelesimentu órgaun reguladór independente ida  Konsellu Imprensa – ne’ebé garante deontolojia husi interveniente oin-oin.

“Ami mós hakarak hametin no haforsa Ajénsia Notisioza Nasionál, TATOLI;  dezenvolve no habelar RTTL ne’ebé inklui hadi’a infraestrutura no ekipamentu sira formasaun ba jornalista hodi fó atensaun liu ba ba kestaun sira hanesan partisipasaun jéneru nian, diversifika, dezenvolve no habelar setór ne’e, ho atensaun espesiál ba rádiu komunitária sira no ba kooperasaun intersetoriál no internasionál,” dehan Nia.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here