Home dezenvolvimentu Governu Sei Fasilita Talentu Juventude

Governu Sei Fasilita Talentu Juventude

272
0
SHARE
Joven sira ne'ebe joga iha Liga Futebol Amadora (LFA). Photo: TTN/Hortencio Sanches

By:Hortencio SANCHES

THETIMOR-NEWS.com, DILI – VIII Governu Konstitusional ne’ebe lidera hosi Primeiru Ministro Taur Matan Ruak promete sei fasilita talentu foinsae sira nian hodi hamenus dezempregu iha Timor – Leste.

“Ita iha obrigasaun morál no devér atu hatán ba aspirasaun foin-sa’e sira nian, ho mensajen Fiar no Esperansa nian iha futuru, ho lema atu fó ba “Sidadaun ida-idak Planu Moris nian ida”, ho orientasaun ne’ebé klaru no akonsellamentu ne’ebé loloos kona-ba oportunidade oin-oin ne’ebé sira konsege, hodi fó apoiu, liuliu, inisiativa sira kona-ba: empriendedorizmu (kapasidade atu loke negósiu),” dehan Taur iha nia diskursu abertu bainhira hahu debate programa governu ne’ebe halo iha Parlamentu Nasional (PN) Dili, Kuarta (25/07/2018).

Xefi Governu esplika,  autoempregu kria serbisu ba an rasik, sentru kriasaun empreza iha universidade sira no kandidatura sira ba fundu ka apoiu iha nivel nasionál ka internasionál.

“Ita sei enkoraja medida tranzversál kona-ba utilizasaun pavillaun multiuzu iha nivel munisipál ka rejionál no ne’ebé permite espresaun artístika, relijioza ka desportiva husi foin-sa’e sira, hanesan, liuhusi Parlamentu Foinsa’e nian, grupu sidadania nian, asosiasaun ka klube sira, hanesan hakerek ona iha Polítika Nasionál Juventude nian,” dehan Taur.

Alende ne’e, sei promove mos despotu hotu iha Timor – Leste ho kualidade ne’ebe diak ba ema hotu.

“Iha Desportu nian, Ita sei kontinua haree liu ba inisiativa ne’ebé liga ba organizasaun, asosiasaun, klube ka federasaun, ho responsabilidade espesiál iha organizasaun ka partisipasaun kompetisaun desportiva sira nasionál ka internasionál, bilaterál ka multilaterál, ho destake ba kompromisu iha nivel olímpiku, rejionál, ASEAN no CPLP,” dehan Taur.

Enkuantu, sei fó atensaun espesiál liu ba konsolidasaun, kapasitasaun, formasaun no sustentabilidade husi jestaun ka finansiamentu ba liga amadora ba modalidade oin-oin hanesan, futeból, basketeból, voleiból, arte marsiál no seluk tan.

“Ita mós sei promove koordenasaun institusionál, hodi promove inisiativa tranzversál ba utilizasaun no aproveitamentu rekursu sira hanesan ezemplu iha jestaun pavillaun multiuzu sira no infraestrutura desportiva sira-seluk iha nivel munisipál, rejionál ka nasionál, iha ámbitu desportu komunitária, eskolár, desportu ba saúde ka promosaun atividade artistíka, kulturál ka valorizasaun patrimóniu sira,” dehan ema numeru ida iha Governu ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here