Home SPORTIVO Manan 5-1 Kontra Academica, DIT FC Kontinua Degrada

Manan 5-1 Kontra Academica, DIT FC Kontinua Degrada

49
0
SHARE

By: Fidelio RAMOS

THETIMOR-NEWS.com, DILI – Vitoria ne’ebe DIT FC hetan hosi Academica hafoin manan 5-1, kontinua lori DIT degrada ba segunda divisaun.

Maski sei falta jogu ida, maibe pontu 11 ne’ebe dadauk DIT iha, kontinua sei la muda nia pozisaun hodi mantein nafatin iha Primeira Divisaun, tamba Atletico Ultrama ne’ebe iha pozisaun 6 lidera ho pontu diferenti 7. Atletico Ultrama dadauk ne’e kolekta ona pontu 18 hosi jogu 12. Ba jornada 13 Atletico Ultramar sei hasoru AD. SLB iha Segunda (23/7/2018).

Dadauk ne’e hosi jogu 13, DIT manan det ho jogu 3, empata 2 no lakon 8. Ho rezultadu ne’e, DIT ba dala rua tenki tun tan nia nivel. Antes ne’e iha 2017, DIT mos degrada ba segunda divisaun.

Iha degradasaun ne’e, DIT sei hamutuk ho Cacusan ne’ebe iha pozisaun 8 tamba foin hetan det pontu 1 hosi jogu 13 ne’ebe halao ona.

Iha jogu ne’ebe halao iha Kampu FFTL, Sabadu (21/07/2018), golu DIT nian hatama hosi Jose dos Santos iha minutu 4, Jilbert Dwaramud  8’, Dino Valentino 20’, Celso Garcia 41’, no Vehsode Donal 90+3. Enkuantu golu husi Akademica nian hatama hosi Anggiso Barbosa iha minutu 25.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here