Home dezenvolvimentu PN Baixa Ona Proposta Governu Kona-ba Transferensia Orsamentu Hosi FP

PN Baixa Ona Proposta Governu Kona-ba Transferensia Orsamentu Hosi FP

150
0
SHARE
Deputadu IV Lejislatura PN iha plenaria. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Meza Parlammentu Nasional realiza Plenaria Extraordinariu hodi baixa proposta Governu  kona-ba  transferensia orsamentu hosi Fundu Petroliferu ba komisaun C  ne’ebe trata assuntu Finansa Publiku.

Prezidente Parlamentu Nasional (PPN) Arao Noe hatete, pedidu ne’ebe Governu haruka ho karakter urjensia.

Pedidu refere, Governu haruka ba Parlamentu nasional iha 12 Jullu inklui dispozisaunpedidu hosi Governu ne’ebe esplika detallu razaun lei ho karter urjensia tanba atu transfere osan hosi Fundu petroliferu ba kofre estadu ne’ebe daudauk ne’e hela deit 20 miloens.

“Komisaun C  sei hare halo nia funsaun apresiasaun urjensia ka lae, hafoin it abele debate,” dehan PPN Arao.

Orsamentu ne’ebe Governu atu transfere hosi Fundu Petroliferu hamutuk  140 miloens.

Antes ne’e, Ministru Reforma Lejislativa no Assuntu Parlamentu Nasional Fidelis Magalhaes esplika, Governu presiza orsamentu hodi funsiona  makina estadu. Tanba ne’e mak Governu sei husu uluk autorizasaun hosi Parlamentu Nasional  hafoin foti osan refere.

Iha parte seluk deputadu bankada FRETILIN Francisco Miranda Branco ne’ebe antes ne’e la konkorda ho pedidu ne’e hatete, lolos  Governu uza kompetensia hodi prosesu atu nune’e labele demora tempu.

“Proposta lei ne’e la prienxe rekezitus konstitusional no rejimental sa tan urjensia agora lae ona. Tuir lolos governu uza kompetensia tuir prisipiu duadesimu ne’ebe iha,” dehan deputadu Branco.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here