Home nasional TDD Liberta Ona Damião Hosi Prijaun

TDD Liberta Ona Damião Hosi Prijaun

173
0
SHARE

By: Hortencio SANCHES

THETIMOR-NEWS.com, DILI – Hafoin tinan hat fulan ne’en kondenadu damião da Conceção dadur iha komarka Becora tanba halo relasaun seksual hasoru minoridade iha tinan 2011 liu ba.

Tanba kumpri ona nia sala, Tribuanl Distrital Dili (TDD) hatun ona liberdade kondisional ba kondenadu refere.

Antes desijaun Tribunal kolektivu, liu hosi juiza Prezidente meja, Jacinta da Costa Correa, husu ba arguidu nia kondisaun situasaun disiplina ne’ebe Kondenadu Damião aprende durante tinan hat iha Prijaun laran.

“Ita bo’ot nudar kondenadu iha Prijaun tinan hat, saida mak ita halo no aprende iha ne’eba, tantu kondisaun situasaun disiplina,” Tribunal husu ba Arguidu iha prosesu audensia laran, Kuarta (18/07/2018).

Nune’e Tribunal husu, sekuandu kodenadu hetan ona liberdade ba hamutuk ho familia, situasaun saida mak sei halo no bain hira hasoru vitima iha dalan no iha uma.

Kondenadu fo resposta ba Tribunal katak, durante iha Prijaun Bekora sai kondenadu tinan hat fulan neen, hetan Edukasaun disiplina masimu hosi guarda prezuneiru sira.

Hanesan, hanorin oinsa sai ema ne’ebe hatene respeitu ema seluk, halo diak ba malu, labele hanoin at halo krime hasoru ema seluk, liu liu labarik.

Aprende mos edukasaun naun formal, hanesan formasaun lingua, desportu, reza, no tein.

“Durante tinan hat nia laran hau iha prijaun, hau hetan edukasaun moral diak hosi maun boot guarda prezuneiru sira, hanesan oinsa bele respeita ema ho diak, ami reza no mos iha tan buat seluk hanesan formasaun ba lingua sira ne’e seluk mak desportu. Maibe, ba hau tein deit,”kondenado hatete ba tribunal.

Kondenadu ne’e, promete ba Tribunal bain hira fila ba uma hasoru vitima sei husu deskulpa no fosala ba vitima tuir lisan fetosan uma mane, tanba vitima sira nudar uma mane.

Rona tiha ida ne’e, Tribunal husu tan, sekuandu too iha liur hetan vitima iha dalan, mak vitima Lakohi no lasimu deskulpa, saida mak kondenadu sei halo.

Maibe kondenadu Damião, nonok no la responde ba tribunal, nia hatan deit katak “Hau kontinua husu desklpa no hadok an.”

Iha fatin hanesan, ministéiru públiku liu hosi Prokurador Reinato Bere Nahak, husu ba tribunal atu fo ba kondenadu liberdade ida ne’ebe ho nia seguransa diak, tanba kondenadu komete krime Violasaun sexsual.

“violasaun sexsual ne’e krime ida ne’eb mai ho sentiment, tanba ne’e ba kondenadu ida ne’e antes fo liberta nia, Ministeriu Publiku husu ba tribunal atu fo pena liberdade ida ne’ebe iha seguransa ne’ebe mak apertadu,”Ministeriu Publiku husu.

Nune’e mos parte defeza, defensora Olga Barreto, kolia kondenadu kompri ona nia sala durante tinan hat ho balun, no hetan disiplina moral ne’ebe mak diak, no kondenadu ne’e rasik mos arepende total mente ba hahalok sira ne’e, tanba husu atu tribunal aplika liberdade totalmente.

Rona tiha deklaran ne’e, Tribunal deside ba kondenadu Damião da Concieção, tanba antes tuir desiaun final julgamentu iha loron 14 fulan Novembru 2013, arguidu hetan pena tinan  6 fulan neen iha prinzaun,

Tuir lei katak depois arguidu kompri tinan  fulan neen sei hetan liberdade kondisional tinan 2  iha liur, siknifika kondenadu ne’e seidauk hetan liberta totalmente, no kada fulan kondenadu iha direitu aprejenta prioridika ba tribunal.

Nune’e meja Tribunal deside kondenadu hetan liberta kondisional tinan rua iha liur, mak foin livre totalmente hosi prezu.

Maibe fo hanoin fali, antes Kondenadu komete krime violasaun sexsual hasoru vitima MNC ho idade monoridade.

Katak iha 18 Novembru 2011, maizumenus oras tuku 12:00 Meudia iha aldeia Leotela Liquisa. Vitima MNC ba kuu modo iha toos, derpenti kondenadu mosu hosi kotuk rasta ba vitima nia kabas hodi latan ba rai, depois koko atu halo relasaun, maibe tabnba vitima tata kanek kondenadu nia isin, entaun lakonsege.

Tanba ne’e iha prosesu ne’e Ministéiru Públiku akiua  Damião ho krime tentavivu violasaun sexsual hasoru minoridade tuir artigu 177 hosi prosesu kodigu penan Timor-leste nian.

Audensia ne’e prezide hosi tribunal kolektivu, reprejenta juis nain tolu,  Ministeiru Publiku, liuhosi prokurador nain ida no parte defeza mos nain ida.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here