Home nasional Prijaun Becora Fatin la Sufisiente ba Prizioneru

Prijaun Becora Fatin la Sufisiente ba Prizioneru

235
0
SHARE

By: Hortencio SANCHES

THETIMOR-NEWS.com, Dili – Diretor ezekutivu Prijaun Bekora, João Domingos hatete, kondisaun Prijaun Bekora nakonu ona tanba ne’e dadur 30 sei desloka ba Prijaun Covalima no Glenu iha tempu besik.

“Situasaun kondisaun Prijaun Bekora diak, maibe hanesan ema hotu hatene katak, fatin mak nakonu tiha ona, tanba ne’e balu ami sei haruka fali ba Suai no Glenu,” dehan João Domingos ba jornalista iha Tribunal Distrital Dili (TDD), hafoin lori prezu balu partisipa julgamentu, Kuarta (18/07/2018).

Hosi dadur 30 ne’ebe atu lori sai ba Suai 20 tanba iha ne’eba Prizioneru hamutuk 19 deit no Glenu 10.

Nia dehan, tratamentu ba Prizioneru hotu lao diak tebes atu nune’e, tempu to’o sai bele hatudu buat ne’ebe diak ba familia no sosiedade.

“Fo atendementu ne’ebe diak, kria formasaun ne’ebe adekuadu, atu nune’e bain hira dadur sira hetan livre karik sei halo buat diak ba familia sira, no sei lahanoin tan krime,” dehan Diretor ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here