Home nasional PJR Sei Estabelese Tan Edifisiu MP Iha Lautem-Same

PJR Sei Estabelese Tan Edifisiu MP Iha Lautem-Same

107
0
SHARE
PJR Jose Ximenes. Photo: TTN/Fidelio Ramos

By: Fidelio RAMOS

THETIMOR-NEWS.com, DILI – Dadaun ne’e Prokurador Jeral Republika (PJR) iha ona asaun no planu anual ida  hodi estabele tan edifisiu  Ministeriu Publik (MP) iha Munisipiu rua , hanesan Lautem no Manufahi.

“Ami oras ne’e prepara hela planu ba asaun anual ida iha teritorial, tanba ami hakarak estabelese tan edifisiu Ministerio Publiku iha Munisipiu, Alende ne’e mos iha planu atu rekruta tan ofisial justisa balun,” dehan PJR Jose da Costa Ximenes ba Jornalista hafoin remata sorumutu ho Prezidente Republika Francisco Guterres Lu-Olo iha Palacio Prezidensial Bairu Pite, Tersa (17/07/2018).

Alende ne’e, Prokurador ne’e informa, kestaun konstensiozos estadu nian balun, no prosesu rejistu iha MP hamutuk 185 husi numeru hirak  ne’e mai husi kazu sivil, administrativu kontas maibe  konsege termina ona 141 tama ona ba Tribunal Distrital hodi tuir prosesu.

“Kazu hirak ne’e 90% rejistu liu iha Tribunal Distrital Dili nian no balu tama liu ona ba Tinan 9, prosesu sira ne’e sem movimenta hotu iha Tribunal sira, entaun ida ne’e mak sai preokupasaun bo’ot ba amai,” dehan nia.

Entretantu, iha parte seluk kona ba membru governo balun ne’ebe seidauk toma posse tanba deskonfia iha kazu, maibe PJR  Jose lakoi fo komentariu tanba kestaun politiku no segredu Justisa.

“Hau hakarak hatete deit uluk kedas hau dehan ona sira ne’ebe mak dehan iha investigasaun normalmente hau labele fo informasaun tanba ne’e sgredu justisa no segredu estadu nian portantu hau labele kolia detailu tanba Ministeriu Publiku kumpri deit husi legalidade,” dehan Jose.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here