Home nasional Povu Tenki Mantein Hakmatek Iha Fatin

Povu Tenki Mantein Hakmatek Iha Fatin

75
0
SHARE
Komandante Jeral PNTL, Komisariu Julio Hornai (liman karuk) akompana nia adjuntu Komisariu, Faustino da Costa koalia ho jornalista hafoin hasoru malu ho PR Francisco Guterres Lu-Olo. Photo: TTN/Jose Samuel

By: Fidelio RAMOS

THETIMOR-NEWS.com, DILI – Komandante jeral Polisia Nasional Timor-Leste (PNTL) komisariu Julio da Costa Hornai husu ba povu tomak atu mantein nafatin estabilidade hakmatek iha ida-idak nia fatin hodi hala’o atividade moris hanesan bai-bain.

Tanba Impasse politik ne’ebe agora mosu  ne’e  intrega tomak  ba nai ulun sira mak buka malu hodi rezolve , maibe nu’udar povu husu atu hakmatek iha fatin.

“Semak estudante ba konsentra iha eskola hotu se mak emprezariu kontinua hala’o nafatin servisu ba, situasau politik ne’ebe iha husik ba lider sira mak resolve rasik hodi hetan solusaun ne’ebe mak diak ba ita hotu,” dehan Komisariu Julio ba Jornalista hafoin remata inkontru semanal ho PR Lu-Olo iha Palacio Prezidensial Bairu-pite, Sexta (13/07/2018).

Situasau em jeral iha teritorio la’o hamatek no laiha problema ne’ebe mak mosu ho signgikante hodi polisia toma atensaun maximu.

Nia dehan, parte seguransa polisia dadauk ne’e hasoru problema bo’ot liliu  mina no manutensaun ba transforte oinsa atu fo apoiu servisu polisia iha terrenu.

“Prezidenti intende mos situasaun ne’e e hato’o ona ba Primeiru Ministru para hare ba kestaun ne’ebe mak parte seguransa imfrenta,” dehan Komisariu ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here