Home dezenvolvimentu Funsiona Makina Estadu, Governu Sei Transfere Miloens $ 140 Hosi ...

Funsiona Makina Estadu, Governu Sei Transfere Miloens $ 140 Hosi FP

903
0
SHARE
Ministru Reforma Lejislativa no Asunto Parlamentar. Fidelis Magalhaes. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Governu liu hosi reuniaun Konsellu Ministru aprova ona lei hodi husu autorizasaun transfere orsamentu hosi Fundu Petroliferu (FP) ba Kofre Estadu hodi funsiona makina estadu ba fulan rua.

“Ohin ami koalia kona ba likides estadu nian, katak orsamentu estadu kona ba fulan agora no fulan oin hosi finansas  halo aprezentasaun no ami halo diskusaun klean los kona ba ida ne’e no ikus mai iha  duni dezisaun hosi konsellu ministru passa lei duni ne’ebe mak husu autorizasaun espesial  hodi transfere osan hosi fundu  petroliferu mai iha ita nia kofre estadu,” dehan Ministru Reforma Lejislativa no Asunto Parlamentar Fidelis Magalhaes ba Jornalista  iha Palacio do  Governu, Kuarta (11/07/2018).

Daudauk ne’e, orsamentu iha kofre estadu hamutuk 20 miloes. Tanba ne’e mak  Governu sei transfere tan 140 miloens  hosi  FP.

“Mekanizmu ne’ebe mak ami opta mak liu hosi lei no sei haruka ba Parlamentu Nasional hodi aprova no ita  sei iha promulgasaun pois ita sei iha lei ida, ami la halo tuir dalan ida ne’eba mak hatun deit sem  informa ou husu autorizasaun Parlamentu,” dehan Fidelis.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here