Home nasional CM Hatan iha Tribunal Tanba Subar Rama Ambong

CM Hatan iha Tribunal Tanba Subar Rama Ambong

82
0
SHARE

By: Hortencio SANCHES

THETIMOR-NEWS.com, DILI – Arguidu naran inisial CM ohin tenke hasoru Tribunal hodi hatan ba nia sala tanba durante ne’e subar hela Rama Ambong iha uma.

Tuir Tribunal, liu hosi juiz Ivan Antónino Gonçalves katak, hosi akuzasaun sira ne’ebe Ministéiru públiku ba Tribunal hatudu katak maske arguidu hatene katak hahalok lei bandu maibe iha konsientemente rai no subar rama amabon nune’e atu bele proteze kuandu mosu problema ruma.

Tanba ne’e tuir lei ne’ebe mak iha Tribunal iha kompetensia tomak atu halo julgamentu ba aktus sira ne’ebe mak hakerek iha akuzasaun laran  hosi ministéiru públiku nian ba Tribunal.

Hosi akuzasaun ne’ebe  Ministéiru públiku reprezenta Prokuradora,  Remizia Bareto, Mensiona iha faktus katak iha loron 27 fulan Abril 2017, oras tuku 11 kalan, arguidu involve an iha problema ida ne’ebe Akontese iha Kuluhun Taibesi area Temporal, maibe tanba arguidu sira halai lakon, iha kalan ne’e mak polisia Sientefiku  Investugasaun kriminal (PSIK), halao operasaun hodi pasa revista ba arguidu nia uma iha area Bebora Aldeia Manadiki.

No iha momentu ne’eba, kaundu polisia pasarevista tama uma sai uma no to’o iha arguidu nia hela fatin, hetan arguidu rai hela sasan kroat hanesan Rama Ambong iha nia uma laran ho razaun rai sasan kroat ne’e, para atu defende an deit, sekuandu mosu ka akontense problema ruma.

Tanba ne’e hare autos ka faktus sira ne’e, Ministéiru Publik uza nia kompetensia akuza arguidu komete krimeArma Brankas tuir artigu 2 numeru 1 alienea D, hosi kodigu Penal ba dekretu lei  numeru 5/2017.

depois Tribunal le  sai faktus hotu, iha biban ne’e Tribunal mos husu ba arguidu CM atu deklara ba tribunal tuir faktus sira ne’ebe mak Ministéiru akuza ba, katak akuzasaun hirak ne’e los ka lalos.

“Señor Arguidu, ita boot, tuir lei ne’ebe mak iha katak ba akuzasaun ne’ebe mak tribunal le sai iha akuzasaun ne’e los ka lalos,, no tenke deklara tuir faktus.”husu Juis Ivan ba Arguidu CM iha sala audensia prosesu Julgamentu  TDD, Tersa (10/07/2018).

Tanba ne’e hanesan Argudu, CM  hatan ba Tribunal katak akuzasaun sira ne’ebe mak hakerek iha autos ne’e balu sala no balu mak los.

Nia deklara, faktus los, arguidu rai duni rama Ambon iha uma, maibe kona-ba probele ne’ebe mak akontese iha Kuluhun Taibesi arguidu lahatene, tanba momentu ne’eba arguidu foin tun mai hosi foho (Suai Kasa).

“Hau deklara katak, probele ne’ebe Akontese iha Taibesi Kuluhun ne’e hau  la hatene, tanba momentu ne’e hau foin mak fila hosi Suai Kasa, hau ba halao hau nia servisu iha ne’ebe, no konaba rama Ambon ne’e hau rai duni tanba hau lori para defende hau nia an deit.”deklara arguidu ba Tribunal.

Arguidu dehan tan, rama ambon ne’e smos arguidu halo rasik, kompletu kedas ho nia fiska, maibe laiha intensaun atu halo problema.

Entretantu, hafoin tribunal rona  arguidu CM nia deklarasaun, tribunal lakonsege rona sasin ne’ebe preziden hosi membru PSIK nian balu, tanba Ministéiru públiku iha tan prosesu seluk ne’ebe atu akompaña.

Tanba ho oras limatadu iha prosesu julgamentu, tribunal adia hikas kazu ne’e ba loron 16 fulan ne’e iha oras tuku 09:30 deder, ne’ebe sei preside nafatin hosi Juis kolektiva reprezenta, hosi Juis Ivan Antonino, Juiza Edite Palmira no Juiza Maria Modesta, parte Ministéiru Públiku reprezenta prokuradora, Remizia Bareto no arguidu hetan asistensia legal hosi defensora publika, Marçia Sarmento.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here