Home nasional Arguidu 22 Hosi Ermera Hatan Iha TDD Tanba Baku Malu ba Partidu

Arguidu 22 Hosi Ermera Hatan Iha TDD Tanba Baku Malu ba Partidu

80
0
SHARE

By: Hortencio SANCHES

THETIMOR-NEWS.com,  DILI – Arguidu 22 hosi  Ermera tenke  hatan iha Tribunal Distrital Dili tanba  baku malu tanba  Partidu FRETILIN no CNRT.

Tuir Informasaun ne’ebe mak fo sai Hosi argidu Mariano de Jesus Alias Leno Tuir (MJT), katak Kazu  ne’e Akontese iha tinan 2017 tinan kotuk liu-ba, bain hira mosu Sosializasaun Partidu nian iha xefe suku nia uma.

Tanba laran moras malu, no lagosta malu mak mosu probelema, hodi arfguidu sira baku lezada, Jose moniz (JM) no baku rahun uma, tanba deskonfia lezadu ne’e tuir partidu FRETILIN.

“Ohin tribunal bolu ami nain 22 ne’e mai tribunal para halo julgamentu, maibe ami nia maluk bali Lakohi partisipa, tanba sira okupadu ho servisu toos, tuir faktus iha laran ne’e ami baku malu tan Partidu FRETILIN no CNRT, no iha ne’eba lezada fiar liu FRETILIN ne’e mak ami laran moras hirus no sobu tina nia uma.”dehan arguidu ne’e ba Jornalista bain hira remata julgamentu, Tersa (10/07/2018).

Nia dehan, Tribunal lakonsege halo julgamentu tanba arguidu barak  mak falta, tanba ne’e tribunal sei hatun karta notifikasaun ida ba Ministéiru publiku sira buka tuir  para halo justifikasaun ba Tribunal tanba arguidu sira la kolabora ho tribunal

Parte seluk, tuir Tribunal liu hosi Juiza Jacinta Correa, katak Tribunal labele halo julgamentu ba arguidu sira tanba hosi argudu nain 22 balu lamarka prezensa, maske  tribunal notifika ba dala rua tiha ona.

“Tribunal labele halo julgamentu, sekuandu arguidu sira la kompletu, tanba ne’e tribunal nafatin hatun karta notifikasaun ba ministéiru publiku atu buka informasaun hosi argidu sira ho rajaun saida maka artguidu sira la marka prezensa iha tribunal.”tribunal afirma ba argudu sira iha Audensia.

Arguiudu sira komete krime, Insendiu, danu simples, violensia no furto agravadu ne’ebe punidu no previstu iha artigu 252, artigu 260 no artigu 263 numeru 1 hosi kodigu penal Timor-leste nian.

Tanba ne’e ba krime ida ne’e, Tribunal adia hikas julgamentu seim determina data, tanba  sei hatin karta notifikasaun  ba arguidu sira, atu husu rajaun tanba sa mak arguidu sira la marka prejensa, no bain hira tribunal hetan ona informasaun mak tribunal kontinua fila fali prosesu julgamentu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here