Home nasional Hakotu Impasse Politiku, Lider AMP Tenki Dialogu ho Xefe Estadu

Hakotu Impasse Politiku, Lider AMP Tenki Dialogu ho Xefe Estadu

1801
0
SHARE
Jurista Timoroan, Manuel Tilman. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Jurista Timoroan Manuel Tilman hatete, atu hakotu impase politiku ne’ebe Governu da-ualu infrenta, lider masimu hosi koligasaun Aliansa Mudansa ba Progresu (AMP) Kay Rala Xanana  Gusmao, Taur Matan Ruak no Jose dos Santos Naimori tenke kria dialogu ho Prezidente Republika (PR) Francisco Guterres  Lu-Olo.

Eis deputadu I lejislatura ne’e afirma, Dialogu ne’ebe Lider AMP ho Xefe  Estadu halo atu  nune’e bele priense lalais Minsiteriu hirak ne’ebe to’o agora Ministru seidauk toma posse.

Tuir nia, bainhira prosesu ne’e lao nafatin hanesan ne’e mak sei halo povu terus tanba impasse politiku ne’ebe mosu lider sira la rezolve.

“Se hakarak impase ne’e ba oin, maun Primeiru Ministru husu demisaun no hili fali seluk ida, maibe hau hanoin hanesan ne’e Governu monu hotu diak liu mak Primeiru Ministru akomula pasta  hotu-hotu ne’ebe  ministru sira seidauk assume ne’e atu bele lori Programa Governu ba aprezenta ona,” dehan Manuel Tilman  ba Jornalista  via telephone Segunda (09/07/2018).

Nia hatutan, hakarak ou lakoi antes 22 Agostu Governu tenke aprezenta ona Programa no Orsamentu Jeral Estadu atu nune’e labele hakat fali ba eleisaun antesipada.

“Antes 22 Agostu mak Governu la aprezenta programa no Orsamentu mak ita hakat fila fali ba eleisaun antesipada,” dehan Tilman.

Tanba ne’e, nia fo hanoin atu labele mosu eleisaun antesipada PM Taur Tenke  akomula Minsteriu hirak ne’ebe Ministru seidauk eleitu atu bele  rezolve impase ne’ebe daudauk ne’e mosu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here