Home nasional AMP Ameasa Kansela Vizita Xefi Estadu ba Portugal

AMP Ameasa Kansela Vizita Xefi Estadu ba Portugal

491
0
SHARE
Deputadu Parlamentu Nasional. Photo: TTN/Hortencio Sanches

By: Hortencio SANCHES

THETIMOR-NEWS.com, DILI  – Partidu Koligasaun Aliansa  Mudansa ba Progresu (AMP) ne’ebe koliga hosi CNRT, PLP, Khunto hamutuk tan ho UDT /FM liu hosi deputadu Francisco Vasconclhos deklara sei la fo autorizasaun ba Prezidente  Republika (PR) halo vizita ba Portugal.

Razaun hosi AMP ba kanselamentu vizita Prezidente Republika tanba sira konsidera PR Lu-Olo mak kria impase politiku ne’ebe daudauk ne’e mosu seidauk rezolve to agora.

“Bankada  CNRT, PLP, Khunto UDT/FM sei la fo autoriza Prezidente Republika halo vizita ba rai liurtanba impasse  politiku seidauk rejolve,” dehan deputadu ne’e iha deklarasaun ne’ebe le iha Plenaria Parlamentu Nasional, Segunda (09/07/2018).

Nia dehan laiha sentidu liu, enkuantu formasaun  Governu da-ualu sei pendente hela, tanba  ne’e ema hotu presiza  Xefe estadu labele sai ba rai liur. Nune’e nia  fo komparasaun iha tinan kotuk, PR Lu-Olo kansela nia vizita ba Nova Iorque ho razaun katak sei akompaina formasaun Governu da-hitu nian hodi lalais fo posse  tuir kondisaun iha tempu ne’eba.

Hatan ba kestaun ne’e, deputadu bankada  FRETILIN Joaquin dos Santos hatete, impasse politiku ne’ebe  mosu laos kulpa PR Lu-Olo nian maibe tama iha juizu lori PM foti dezisaun hodi aprezenta kandidatu.

“Prezidente Republika laos mak halo kulpa, ne’ebe lalika soe rairahun ba povu nia matan, Primeiru Ministru hetan konfiansa hosi grupu ida ne’ebe fo konfiansa ba nia hodi  sai Primeiru Ministru mos labele ses hosi  nia kumprimisiu eleitoral,”dehan Deputadu Joaquim.

Nia hatutan, konfiansa ne’ebe nia fo ses hosi  komprimisiu eleitoral mak bolu juizu eradu.

“Tanba Juizu eradu mai ita hatudu fali kulpa ba ema seluk ida ne’e mak bolu katak politika mafia,” dehan deputadu ne’e.

To’o notisia ne’e fo sai seidauk iha votasaun  ba deslokasaun Xefe Estadu no sei hahu fali plenaria da-ruak iha tuku 15:300.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here