Home dezenvolvimentu MOP Hahu Prepara Programa Loron 100

MOP Hahu Prepara Programa Loron 100

595
0
SHARE
Ministru Obras Publiku, Salvador Pires. Photo: Spesial

By: Hortencio SANCHES

THETIMOR-NEWS.com, DILI – Ministru Obras Publiku Salvador Soares dos Reis Pires hatete, daudauk ne’e sira prepara hela programa loron 100 maibe sei halo uluk estudu diagnostiku atu nune’e bele atende servisu ministeriu nian ho diak.

“Programa 100 dias ne’e ami tenta atu halo estudu diagnostika kona ba ita nia kondisoes iha ministeriu nia laran para halo planu ba oin ne’e bele halo Sistema mekanizmu ministeriu nian oinsa atu atende ita nia programa sira ne’e atu lao diak,” dehan Salvador ba Jornalista iha edifisiu MOP Caicoli Dili, Sexta (06/07/2018).

Governante ne’e dehan, bainhira programa diak, vizaun daik maibe laiha palnu ministerial sei la lao diak.

“Hau hanoin katak, ita iha hanoin  vizaun diak, programa diak mais sem hadia mekanizmu servisu, projetu, akontabilidad depois ita nia prestasaun ezekusaun orsamentu ne’e dezafiu sei iha nafatin hodi ezekuta ita nia programa sira hotu ba oin,” dehan Salvador.

Tanba ne’e, hosi rejultadu estudu diagnostiku ne’ebe halo hatudu difikuldade barak mak ministeriu ne’e hasoru hanesan menus rekursu umanus no seluk tan.

Alende ne’e, ministeriu ne’e sei kria regulamentu planu urbanu ne’ebe signifikativu hodi aseguga dezenvolvimentu hotu hanesan habitasaun, infraestrutura baziku hodi hametin integridade no sustentavel.

“Ami hakarak hari ida ne’e hanesan meiu ida atu organija ou implementasaun kada investimentu infraestrutura ne’ebe ita  halo iha kapital ne’e itegridade duni,” dehan Ministru ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here