Home dezenvolvimentu Australia Sei Apoiu TL iha Area Komunikasaun

Australia Sei Apoiu TL iha Area Komunikasaun

290
0
SHARE

By: Hortencio SANCHES

THETIMOR-NEWS.com, DILI – Embaixadór  Australia iha Timor – Leste Peter Roberts hatete, Australia hakarak hametin diak liu tan koperasaun ho Timor – Leste iha area komunikasaun Sosial.

“Hau hanoin katak area komunikasaun ne’e interesante tebes, oinsa atu bele uza teknolojia, oinsa bele uza media, internet atu halo komunikasaun ho povu,” dehan Embaixadór ne’e ba Jornalista hafoin remata sorumutu ho Sekretariu Estadu  Komunikasaun Sosial (SEKOMS) Mericio Juvinal dos Reis iha Palacio do Governo, Kinta (05/07/2018).

Nia haktuir, daudauk ne’e Australia uza ona teknolojia ne’ebe modernu. Tanba ne’e mak sira nia parte hakarak servisu hamutuk ho VIII Governu Konstitusional atu bele suporta programa dezenvolvimentu iha Timor bele sai  diak liu.

Nune’e Embaixadór ne’e esplika, Objetivu importante ne’ebe Australia apoiu mak oinsa povu hotu bele koinese diak liu atu utiliza internet no seluk tan.

Sekretariu Estadu Komunikasaun Sosial (SEKOMS) Mericio Acara. Photo: TTN/Hortencio Sanches

Iha fatin hanesan SEKOMS Mericio Acara hatete, Australia hanesan Timor – Leste nia parseiru importante ne’ebe durante ne’e apoiu ona prosesu dezenvolvimentu iha area oi-oin.

“Ohin Hau ho Embaxadór koalia uitoan kona ba saida mak ita atu apoiu malu hodi dezenvolve diak liu meus komunikasaun diak liu nune’e ba publiku sira  iha area rurais  bele assesu diak liu informasaun hosi estadu no Governu,” dehan Mericio Acara.

Entretantu fo hanoin fali, antes ne’e Australia apoiu barak tebes ba Timor – Leste hahu hosi 2002 to agora no barak liu iha  area defeza no seguransa seluk tan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here