Home dezenvolvimentu ADB Hametin Tan Koperasaun ho TL

ADB Hametin Tan Koperasaun ho TL

433
0
SHARE
Ministru Reforma Lejilativa no Asuntu Parlamentar. Fidelis Magalhaes. Photo: Spesial

By: Hortencio SANCHES

THETIMOR-NEWS.com, DILI –  Ministru Reforma Lejislativa no Asuntu Parlamentar Fidelis Magalhaes hatete, Asia Development Banak (ADB) hakarak hametin liu tan koperasaun ho Timor – Leste hodi asselera dezenvolvimentu infrastrutura ne’ebe lao hela.

Governante ne’e esplika, objetivu hametin koperasaun tanba iha parte ida Timor – Leste mos hola parte iha organizasaun refere.

“ADB ne’e, Timor mos hola parte hanesan banku infrastrutura ida ka organizasaun multilaterais ho paises sira hotu, paises membru sira hanesan iha saham bo’ot liu, maibe Timor mos hanesan parte ida hosi ADB,” dehan Fidelis ba Jornalista iha edifisiu Palacio do Governu, Kinta (05/07/2018).

Antes ne’e, estadu Timor –  Leste impresta osan barak hosi ADB hodi halo dezenvolvimentu Infrastrutura ne’ebe daudaun lao hela.

“ADB sira pronto responde bainhira ita nia Governu presiza, ita mos pais membru entaun sira nia prezensa atu apoiu ita no sira iha vontade ne’ebe bo’ot tebes atuservisu ho Governu Timor – Leste,” dehan Fidelis.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here