Home dezenvolvimentu PR-PM Kontinua Diskuti Lista Membru Governo

PR-PM Kontinua Diskuti Lista Membru Governo

740
0
SHARE
Taur Matan Ruak. Photo: spesial

By: Fidelio RAMOS

THETIMOR-NEWS.com, DILI – Prezidenti Republika (PR) Francisco Guterres Lu-Olo ho Primeiru Ministru (PM) Taur Matan Ruak kontinua diskuti lista membru VIII governo konstituisional ne’ebe  mak to’o agora seidauk posse.

“Hau ohin mai halo inkontru ho prezidenti hodi kontinu kolia kona ba lista maibe seidauk hetan nia solusaun diak ba lista ne’e, tanba ne’e mak prezidenti sei halo nafatin dialogu hodi hetan lalais nia solusaun ba lista ne’ebe mak ami aprezenta ona,” dehan Xefe Governo ba Jornalista hafoin remata sorumutu ho PR Lu-OLo iha Palacio Prezidensial Bairu Pite, Tersa (03/07/2018).

Nia dehan, bainhira hetan ona solusaun definitivu lolos hafoin desidi loron posse ba membru hirak ne’e.

“Mais hanesan PM posse sedu sei diak liu tanba  tanba estadu Timor agora sei kontinua funsiona hela ho osan duodesiu, ita agora osan laiha tanba governo agora dadauk haree mos ba progrma orsamentu tinan 2018-2019 nian no organiku governo nian rasik e servisu sei barak los,” dehan Taur.

Nune’e, nia fiar katak PR sei  mantein dialogu ne’ebe diak  atu bele buka lalais dalan nune’e governu bele halo funsionamentu ho diak.

Editór: Hortencio  SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here