Home nasional Horta: PR Laiha Kompetensia Veta Lista Governu

Horta: PR Laiha Kompetensia Veta Lista Governu

141
0
SHARE
Jose Ramos Horta. Photo: Media PR

By: Fidelio RAMOS

THETIMOR-NEWS.com, DILI – Premiadu Nobel da Paz Jose Manuel Ramos Horta hatete, Prezidenti Republika (PR) Francisco Guterres Lu-OLo  se laiha kompetensia atu veta naran membru VIII governo konstituisional.

“Momentu  posse  ne’e hau laiha ne’e maibe hau akompainia liu husi media iha liur maibe informasaun balun sai ke lalos hatete prezidenti veta naran maibe nia laiha kompetensia maibe atu rekomenda deit ba governo  katak atu haree didiak lista membru governo,” dehan eis xefe ba Jornalista hafoin remata sorumutu ho PR Lu-OLo iha Palacio Prezidensial Bairu-Pite,Segunda (02/07/2018).

Tanba ne’e, Horta garantia tempu besik Xefe Estadu sei halo dialogu ho Primeiru Ministru (PM) Taur Matan Ruak nune’e bele hetan solusaun ba problema ne’ebe akontese.

Nia esplika, prezidenti bele laiha kompetensia no intensun atu veta maibe nafatin iha obrigasaun tuir kontituisaun hodi haree bainhira semak tama governo tenki iha integridade hodi fo kredivilidade ba governo.

“Mais ba ida ne’e hau hanoin bele rezolve liu husi dialogu tanba ne’e hein katak sei hetan solusaun ba problema ne’e hodi agventa governo ne’e to’o tinan 5 tanba buat ne’e la’os komplikadu tanba rai ne’e ki’ik tanba kleur ona ita haree governo ida laiha estabilidade kontinuidade no forte,” dehan Horta.

Editór: Hortencio  SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here