Home nasional Horta Husu PR Lu-Olo Kolabora Diak ho VIII Governu

Horta Husu PR Lu-Olo Kolabora Diak ho VIII Governu

134
0
SHARE
Eis Prezidente Republika Jose Ramos Horta hasoru malu ho PR Lu-Olo. Photo: Spesial

By: Fidelio RAMOS

THETIMOR-NEWS.com, DILI – Eis Prezidente Republika 2007-2012  Jose Ramos Horta husu ba Xefe Estadu Francisco Guterres Lu-Olo atu kolabora diak ho VIII Governu hodi halo dezenvolvimentu no tau matan ba traballador sira.

Premiadu Novel dapaz ne’e dehan, PR tenke kolabora diak ho Governu nune’e  atu halo relasaun  ne’ebe  diak ho nasaun estranjeiru sira hanesan Korea Sul no seluk tan ne’ebe daudauk ne’e Timoroan barak halo hela servisu.

“Hau hanoin Timor tenki  buka aumenta halo relasaun diak ho Korea tanba ne’e agora ita tenki  buka malu diak oinsa bele haklean malu diak tanba korea prontu simu nafatin Timoroan barak atu ba servisu iha ne’eba, desizaun politik halao ona maibe preparsaun Timor sira atu ba ne’e mak seidauk diak tanba hau kunese korea do Sul diak,” dehan eis xefe estdu ne’e ba Jornalista hafoin remata inkontru ho PR Lu-Olo iha Palacio Prezidensial Bairu-Pite, Segunda (02/07/2018).

Alende ne’e, nia lider jerasaun tuan ne’e apresia tebes ho vizita PR Lu-Olo nian durante loron tolu iha Indonezia ne’ebe lao diak tebes.

“Hau akompainia prezidenti nia vizita husi dok deit maibe hau kontenti tebes tanba iha vizita ne’e ho  balansu ida ne’ebe pozitivu tanba prezidenti hetan apresiasaun diak husi prezidenti indonezia Jokowi Dodo ne’ebe mak hatudu relasaun diak entre Timor ho Indonezia metin nafatin,” dehan Horta.

Maibe lider ne’e husu nafatin ba Estadu Timor  – Leste atu esforsu nafatin hodi diskuti lina fronteira entre Timor – Leste no Indonezia ne’ebe  to agora  seidauk los atu nune’e bele hetan lais solusaun.

Editór: Hortencio  SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here