Home dezenvolvimentu Be’e Manas Marobo Inagura Ona, Traballador 50 Seidauk Simu Salariu

Be’e Manas Marobo Inagura Ona, Traballador 50 Seidauk Simu Salariu

201
0
SHARE

By: Hortencio SANCHES

THETIMOR-NEWS.com, DILI – Konstrusaun Be’e manas Marobo ne’ebe kaer hosi kompainia Sawatan  Construction Unip.Lda iha tinan hirak  ba kotuk ne’ebe hetan  fiar hosi Governu liu hosi  Sekretaria Estadu Formasaun Profesional Empregu (SEFOPE) ne’ebe pronto ona maibe to agora traballador hamutuk 50 seidauk simu salariu servisu nian.

Traballador Vasco da Cruz. Photo: TTN/HortencioSanches

Vasco da Cruz hanesan Portavoz hosi traballador hirak ne’ebe sai vitima ba projeitu ne’e informa, durante tinan rua sira halo servisu ba konstrusaun Be’e manas Marobo ne’ebe daudauk ne’e pronto ona maibe sira sei dauk hetan sira nia direitu.

“Ohin ami mai iha ne’e atu ijiji  ami nia direitu kona ba ami nia insentivu ne’ebe mak estadu no kompainia traba  ami nia insentivu to agora ne’e,” dehan Vaco ba Jornalista iha edifisiu SEFOPE Caicoli Dili, Kuarta (27/06/2018).

Tanba ne’e, nia husu ba Governu liu-liu ministeriu ne’ebe toma konta tenke rezolve lalais problema ne’e atu nune’e sira labele vitima beibeik.

“Ami lakon osan hosi Marobo to mai iha ne’e tan deit atu ejiji ami nia  kosar be’en ne’e duni estadu tenke rezolve lalais,” dehan Traballador ne’e.

Hatan ba kestaun ne’e, Diretor Nacional de Empregu Lucio Bere-Tasi dos Santos hatete, prosesu pagamentu ba projetu refere 100% iha hela ADN tanba sei halo verefika hodi hare ba kualidade obra refere.

“Traballador hirak ne’e mai dala hira ona iha ne’e, maibe ita fo mediasaun katak kompainia mak selu sira maibe osan mak seidauk ba kompainia, maibe  relatoriu  hosi instituisaun ne’e rasik  haruka ona ba ADN, maibe  ita hein ADN nia tempu para ba halo infesaun to’o agora ita to’o iha prosesu ida ne’e,” dehan Diretor ne’e.

Nia dehan, orsamentu ba obra refere iha maibe sei iha hela Sentru Formasaun Tibar no hein rejultadu hosi ADN hafoin bele transfere osan ba konta bankaria kompainia nian nune’e bele halo pagamentu ba traballador hirak ne’e.

Enkuantu, orsamentu total ba obra refere hamutuk sentu ital mil.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here