Home nasional Xefi Governu Foun Hahu Halo Servisu

Xefi Governu Foun Hahu Halo Servisu

280
0
SHARE
Primeiru Ministru (PM) Taur Matan Ruak. Photo: media/AMP

By: Hortencio SANCHES

THETIMOR-NEWS.com, DILI – Primeiru Ministru (PM) foun VIII Governu Konstitusional Taur Matan Ruak ohin hahu halo ona nia servisu hanesan Xefe Governu ba da-huluk hafoin semana kotuk simu ona  Posse hosi Prezidente Republika Francisco Guterres Lu-Olo.

Tuir informasaun ne’ebe THETIMOR-NEWS assesu hosi media Gabinete PM katak, Taur Matan Ruak to’o iha  Palacio do Governo 7:45 OTL, simu direita hosi Eis Sekretariu Estadu Komunikasaun Sosial Matias Boavida no akompaina hosi  funsionariu Gabinete PM rasik.

Hafoin ne’e, PM hahu kedan nia servisu iha eskritoriu hodi simu funsionariu no kargu sefia sira hodi halo sorumutu.

Entretantu fo hanoin fali, Taur Matan Ruak assume kargu PM ne’ebe hetan fiar hosi Povu no Koligasaun Aliansa Mudansa ba Progresu (AMP) ne’ebe iha  eleisaun Antesipada Parlamentar sai hanesan partidu mais votadu ho kadeira 34.

Antes ne’e, Primeiru Ministru assume hosi Sekretariu Jeral FRETILIN Mari Alkatiri tanba iha eleisaun Parlamentar 2017 FRETILIN mak sai hanesan partidu mais votadu no la konsege kaer governu to’o tinan lima tanba mosu impase politiku  no hakat ba eleisaun antesipada FRETILIN hanesan fali partidu segundu mais votadu ho kadeira 23, PD 5 no FDD  3.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here