Home nasional TMR: VIII Governu Sei Servisu Makas

TMR: VIII Governu Sei Servisu Makas

664
0
SHARE
Membru Governu hosi Governu da-ualu. Photo: Media/AMP

By: Hortencio SANCHES

THETIMOR-NEWS.com, DILI – Primeiru Ministru (PM) eleitu Taur Matan Ruak deklara, ba oin Governu ne’ebe nia lidera sei servisu makas hodi lori nasaun no povu ba oin.

Primeiru Ministru (PM) Taur Matan Ruak. Photo: media/AMP

“VIII Governu, hau nia Governu sei servisu makas hodi servi ita nia nasaun no ita nia povu,” dehan Taur ba Jornalista hafoin remata posse iha Palacio Nobre Lahane Dili, Sexta (22/06/2018).

Nia afirma, maski Governasaun ne’ebe nia lidera sei hasoru dezafius oi-oin maibe nia konfiansa metin nafatin ho povu.

“Ami hotu nia mehi ida deit, hakarak povu Timor tenke hetan moris diak, tan ne’e ami fiar iha povu tomak sei hamutuk ho ami,” dehan Taur.

Lider ne’e kompromete, ba oin loron ba loron povu hotu tenke moris diak maibe tenke badinas halo servisu.

Tuir nia, bainhira ema ne’ebe servisu barak no badinas sei  hetan moris diak no ema ne’ebe baruk ten sei la hetan moris diak.

Tanba ne’e, nia husu ba povu hotu atu badinas servisu nuune’e bele hamutuk lori nasaun ne’e ba oin ho diak.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here