Home nasional Taur Simu Posse ba PM, Xanana la Partisipa

Taur Simu Posse ba PM, Xanana la Partisipa

1044
0
SHARE
Primeiru Ministru (PM) Taur Matan Ruak. Photo: media/AMP

By: Hortencio SANCHES

THETIMOR-NEWS.com, DILI – Prezidente PLP hanesan mos Portavoz AMP Taur Matan Ruak simu ona posse ba Primeiru Ministru (PM) VIII Governu Konstitusional hosi Prezidente Republika(PR) Francisco Guterres Lu-Olo, maibe laiha prezensa hosi lider masimu AMP Kay Rala Xanana Gusmao.

Primeiru Ministru (PM) Taur Matan Ruak bainhira simu posse hosi PR Lu-Olo hodi sai hanesan PM. Photo: media/AMP

Maski la partesipa Xanana Gusmao naran tama hanesan membru Governu ho pozisaun Minstru Konselleru Primeiru Ministru.

Tanba ne’e, PM Taur hatete, lider Karismatiku ne’e sei simu posse iha faze daruak ho membru Governu balun ne’ebe ladauk simu posse hosi PR.

“Ami sei iha toma posse dala ida tan, imi bele hare se mak sei mosu iha ne’eba,” dehan Taur ba Jornalista hafoin remata posse iha Palacio Nobre Lahane Dili, Sexta (22/06/2018).

Enkuantu, lista membru Governu ne’ebe ohin simu posse hamutuk ho PM Taur nain 29 kompostu hosi Ministru, Vise Ministru no Sekretariu Estadu balun.

Maibe tuir lista ne’ebe Partidu koligasaun AMP liu hosi PM Taur hato’o ba PR Lu-Olo hamutuk 41.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here