Home internasional Lakon Hosi Krosia 3-0, Argentina Ameasadu Fila Sedu

Lakon Hosi Krosia 3-0, Argentina Ameasadu Fila Sedu

300
0
SHARE
Leonel Messi, Kapitaun selesaun Argentina lao sai hosi kampu laran hafoin nia nasaun lakon 0-3 hosi Krosia. Photo: FIFA

By: Hortencio SANCHES

THETIMOR-NEWS.com, DILI – Selesaun Tango, Argentina ameasadu fila sedu hosi FIFA Kopa Mundial 2018, hafoin iha jogu kontinuasaun Grupu D lakon bo’ot 0-3 hosi Kroasia.

Kpitaun Krosia, Luca Modrid halo selebrasaun golu hafoin halo golu daruak Kroasia nian ba Argentina. Jogu ne’e Kroasia manan 3-0. Photo: FIFA

Leonel Messi iha joga ne’e tenki rekonese vitoria Luca Modric ho nia kolega sira iha jogu ne’ebe halao iha Nizhny Novgorod Stadium, Sexta (22/6/2018) madrugada.

Argentina ne’ebe treina hosi Jorge Sampaoli ikus tenki tata liman ho rezultadu joga daruak ne’e no lori Argentina iha perigu nia laran tamba bele fila sedu deit.

Dadauk ne’e Argentina foin deit hetan pontu 1 ne’ebe nia hetan wainhira joga hasoru Islandia iha jogu dahuluk.

Ho pontu ne’e, Argentina okupa fatin datoluk Grupu D nian ou difereni pontu 5 ho Kroasia ne’ebe hetan ona pontu 6.

Iha jogu dahuluk, Kroasia susesu halakon Nigeria 2-0.

Ivan Rakitic (klaran) ne’ebe halo golu datoluk Kroasia nian ba Argentina. Photo: FIFA

Golu Kroasia nian iha jogu hasoru Argentina ne’e hetan hosi Ante Rebic iha minute 53 hafoin susesu utiliza oportunidade bola blunder Cabalero, baliza Argentina. Golu rua seluk hatama hosi golu spektakuler Luca Modrid ne’ebe nia halo iha minute 80. Ikus kolega Messi iha Barcelona, Ivan Rakitic taka vitoria Krosia nian iha tempu injury time (90+1).

Joga tuir mai fali Argentina sei hasoru Nigeria iha Kuarta (27/6/2018) tuku 3 madrugada oras Timor-Leste.

Nigeria rasik dadauk ne’e sedauk hetan pontu no sei hasoru Islandia iha nia jogu daruak ne’ebe sei halao iha Sabadu (23/6/2018) tuku 00.00 oras Timor-Leste.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here