Home internasional Manan Peru 1-0, França Hakat Ona 16 Besar

Manan Peru 1-0, França Hakat Ona 16 Besar

103
0
SHARE
Kylian Mbappe wainhira halo golu ba Peru. Photo: FIFA

By: Hortencio SANCHES

THETIMOR-NEWS.com, DILI – Les Blues, França sai ekipa segundu hafoin Rusia ne’ebe hetan ona billeti 16 besar, hafoin iha jogu daruak manan Peru 1-0, Kinta (21/6/2018).

Golu uniku França nian hatama hosi Kylian Mbappe iha minutu 34. Golu ne’e nia halo hafoin simu passing hosi Giroud.

Antes ne’e iha jogu dahuluk, França konsege manan Australia 2-1.

Ho manan rua ne’e França lidera grupu C ho pontu 6. Tuir kedan Dinamarka iha runner up ho pontu 4.

Eriksen iha nia selebrasaun golu ba Australia. Photo: FIFA

Iha jogu seluk Grupu C nian, Dinamarka joga empata 1-1 ho Australia. Dinamarka konsege lidera jogu 1-0 iha minute 7 liu hosi golu Christian Eriksen. Maibe iha minutu 38, Mile Jedinak lori Australia empata 1-1 liu hosi golu penaltu.

Joga tuir mai fali, França sei hasoru Dinamarka iha 26 Junu 2018 no Peru sei hasoru Australia iha loron hanesan 26 Junu 2018 ho oras hanesan (tuku 23.00 OTL).

Jogador Australia sira selebra golu Jedinak ba Dinamarka. Photo: FIFA

Dinamarka persiza deit empata hodi hamutu ho França reprezenta Grupu C iha 16 Besar.

Karik lakon, Australia tenki manan Peru ho golu 3 ba leten, tamba hetan pontu hanesan ho Dinamarka, maibe tenki konta fali ho diferensia golu.

Editór: Evangelisto SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here