Home nasional Xefi Estadu Tenke Rejeita Membru Governu Ne’ebe Naran Iha Tribunal

Xefi Estadu Tenke Rejeita Membru Governu Ne’ebe Naran Iha Tribunal

4470
0
SHARE
Xefe Estadu das Forsas Armada, Maijor Jeneral Lere Anan Timur. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Xefi Estado Maior das Forsas armada, F-FDTL Maijor Jeneral Lere Anan Timur husu ba Prezidente Repúblika (PR), Francisco Guterres Lú-Olo tenke rejeita ema ne’ebe naran tama iha lista Governu da-ualu bainhira kazu iha ona Tribunal.

Lere hato’o lia hirak ne’e, tanba lista sombra ne’ebe espalla iha media sosial ema ne’ebe durante ne’e komete ona kazu iha Governu anterior, maibe naran tama nafatin iha Governu foun.

“Hau husu se maka tama iha governu ne’e nia koalia kona-ba estabilidade nasionál, hau hanoin katak sira ne’ebe naran iha ona Tribunál ona ne’e, hau rekomenda ba Prezidente Republika husik lai labele fó toma de pose lai ba sira,” dehan Lere ba Jornalista hafoin remata sorumutu ho PR Lu-Olo iha Palacio Preidensial Bairu Pite Dili, Kuarta (20/06/2018).

Nia dehan, husik sira nia kazu ne’e konsumadu tiha maka foin fó tomada de pose ka la fó toma de pose, tanba kestaun dignidade governu, dignidade estadú ninia. Eis Guirilleiru ne’e akresenta, la’os Primeiru Ministru lori lista governu mai tau deit, maibe la hare ba dignidade estadú ninia.

“Hau hanoin situasaun ida ne’e, diak hela, maibé hau bele dehan katak, ita nia povu, joventude patriota nasionálista preokupa ba situasaun polítika atual. Hau hanoin katak ita nia maún bo’ot Xanana, Taur Marí ami sira ne’e hotu ami sei moris situasaun hakmatek hela,” dehan Lere.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here