Home nasional TMR Aprezenta Ona Lista Membru Governu ba Xefe Estadu

TMR Aprezenta Ona Lista Membru Governu ba Xefe Estadu

923
0
SHARE
Primeiru Ministru Taur Matan Ruak. Photo: spesial

By: Hortencio SANCHES

THETIMOR-EWS.com, DILI – Primeiru Ministru (PM) indijitadu Taur Matan Ruak aprezenta ona lista membru Governu foun ba Prezidente Republika (PR) Francisco Guterres Lu-Olo hodi hare hafoin hakat ba toma posse.

“Ohin hau mai atu intregadeit lista membru Governu nian ba Prezidente Republika ba VIII Governu nian no dezisaun tomak hosi ita nia Prezidente,” dehan Taur ba Jornalista hafoin remata sorumutu ho Xefe Estadu iha Palacio Prezidensial Bairu Pite Dili, Kuarta (20/06/2018).

Taur informa, loron hira mai oin tan buat hotu sei lao los no informasaun bele klaru liu tan kona ba  formasaun Governu ba da-ualu nian.

Lista sobra membru Governu foun hirak ne’ebe daudaun ne’e espalla ona iha media sosial.

Tuir informasaun ne’ebe iha Membru Governu foun kompostu hosiMinistru, Vise Ministru no Sekretariu Estadu hamutuk 41 mai hosi Partidu CNRT, PLP, Khunto no ema  independente balun.

Antes ne’e, Prezidente AMP Kay Rala Xanana Gusmao hamutuk ho Taur Matan Ruak no Jose dos Santos Naimori fo breafing ba membru governu foun iha Hotel Ramelau Aimutin Dili hodi  koalia kona ba oinsa atu halo servisu durante tinan lima nia laran.

Enkuantu, Tomada de posse ba Governu foun sei halo iha Sexta, 22 Junu 2018 iha Palacio Nobre Lahane, Dili.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here