Home nasional UDT-FM Sadere ba AMP, FDD Nakfera

UDT-FM Sadere ba AMP, FDD Nakfera

3141
0
SHARE
Deputadu tolu ne'ebe reprezenta FDD iha uma fukun Parlamentu Nasional, hosi klaran Prezidente UDT Gilman dos Santos hosi ninin liman karuk Prezidente PUDD Antonio de Sa Benevides no sorin deputada hosi FM Isabel Maria Freitas Ximenes hamrik hela iha Parlamentu Nasional. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Partidu Koligasaun Frente Demokratiku Dezenvolvimentu (FDD) nakfera tanba deputadu naintolu ne’ebe tur iha Parlamentu Nasional lao dalan keta-ketak nain rua hosi UDT no Frente Mudansa fo apoiu ba AMP no ida PUDD lao ho FRETILIN.

Iha votasaun foin lalais ne’e, ba lista kandidatura vise Prezidente Parlamentu Nasional nain rua, sekretaria meza nain rua deputadu sira hosi FRETILIN, PD no FDD nian ida hosi Partidu PUDD Antonio de Sa Benevides hamrik sai  hosi plenaria hodi la tuir votasaun.

Enkuantu deputadu  rua seluk hosi UDT-FM kontinua tur iha Plenaria laran hodi ezerse sira nia votus no deputadu hosi FM Isabel Maria Freitas nudar kandidatu uniku hodi assume pasta nudar II vise sekretaria meza ne’ebe aprezenta hosi AMP.

Tanba ne’e, Prezidente Komisaun Politiku Nasional FDD Agustino Gomes deklara, deputadu rua hosi UDT no FM viola ona etika no  orientasaun Partidu nian.

“Ita labele estraga tan tempu tenke dizilve ona,” dehan Agustinho liu hosi konferensia  Imprensa ne’ebe halo iha sede nasional Partidu Fomentu Dili, Segunda (18/06/2018).

Dezisaun ne’ebe foti bazeia ba prinsipiu hirak ne’ebe FDD halao liu hosi reuniaun komisaun politiku ne’ebe realiza iha 17 Juñu 2018 deside ho unaminidade hodi dizolve koligasaun FDD tuir artigu 78 numeru ida estatutu ne’ebe partidu nian.

Nia esplika razaun fundamental hodi dizolve koligasaun tanba deputadu rua hosi UDT no FM kontra ona  estatutu koligasaun nian.

“FDD lakoi gasta tempu  atu trata assuntu ne’e, tanba sira la obdese ona  regulamentu partidu nian,” dehan Agustinho.

Tanba ne’e, reprezentante partidu UDT, FM, PUDD ne’ebe hamahan an iha koligasaun FDD ne’ebe reprezenta iha uma fukun Parlamentu Nasional bele halo politika no labele utiliza ona FDD.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here