Home dezenvolvimentu AIFAESA Rekolla Reseita 82 Mil ba Kofre Estadu

AIFAESA Rekolla Reseita 82 Mil ba Kofre Estadu

254
0
SHARE

By: Hortencio SANCHES

THETIMOR-NEWS.com, DILI – Kordenador AIFAESA Abilio Oliveira informa, durante mandatu VII Governu istituisaun ne’e konsege rekolla 82 mil ba kofre estadu relasiona ho aplikasaun multa ba emprezariu hirak ne’ebe loke restaurant kontra regulamentu.

“Aktividade hirak ne’ebe ami halo iha mandatu VII Governu nian konsege kobra ba reseita estadu nian hamutuk 82 mil no tinan kotuk ami hetan 126 mil resin,” dehan Abilio ba Jornalista hafoin remata sorumutu ho Xefe Governu Mari Alkatiri iha Palacio do Governo, Segunda (18/06/2018).

 Ema numeru ida iha AIFAESA ne’e hatete, durante ne’e sira nia servisu taka mos restaurante hamutuk 70 no oras ne’e daudaun 40 re-ativa ona tanba hadia ona kondisaun infraestrutura no seluk seidauk.

Iha soru mutu ne’e, Primeiru Ministru husu ba instituisaun ne’e atu halo nafatin servisu ho professional hamutuk ho Governu foun.

Nune’e, nia fiar katak Governu foun sei servisu hamutuk nafatin ho sira hodi prevene sasan ilegaal no restaurante ne’ebe emprezariu sira loke la tuir regulamentu.

“Ami fiar Governu foun aprova ona ami nia orsamentu, ami sei hola laboratorium ida tanba laboratoriu ne’e principal tebes tanba ita  prende sasan ruma tenke lorri  ba halo teste,” dehan Abilio.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here