Home nasional Arão Noe Sai Prezidente Foun PN

Arão Noe Sai Prezidente Foun PN

772
0
SHARE
Prezidente PPN Arao Noe. Photo:TTN/Hortencio Sanches

By: Hortencio SANCHES

THETIMOR-NEWS.com, DILI – Liu hosi reuniaun da-huluk lejislatura da-lima hodi termina lejislatura da-hat ne’ebe Prezidente lidera hosi Aniceto Guterres termina onania mandate hodi intrega hikas ba kandidatura hosi Partidu Aliansa Mudansa ba Progresu (AMP) ho pakote uniku Arao Noe.

Liu hosi votasaun sekreitu, kandidatura uniku Arao Noe manan ho votus afavor 36, kontra 29 no abstensaun 0.

Enkuantu, votasaun ba vise prezidente PN no kompozisaun meza sei halo aban.

Iha diskursu Arao promote iha nia mandate sei halo servisu tuir deit lei no rejimentu Parlamentar nian.

“Hau sei halo tuir  lei hirak ne’ebe konsagra tia ona, hodi servi nai deputadu sira no povu Timor tomak,” dehan Arao ohin iha Parlamentu Nasional.

Nia dehan, Timor – Leste adopta Sistema multi partidarizmu. Tanba ne’e signifika partidu hotu-hotu servisu nudar simbulu nasaun nian.

“Ita hotu servisu hodi servi deit povu atu lori povu ne’e ba moris diak,” dehan Prezidente PN foun.

Relasiona ho diverjensia politiku hirak ne’ebe mosu iha tempu Kampaina eleitoral, nia husu atu haluha ona nune’e bele lolo liman ba malu hodi lori nasaun ne’e ba  oin.

Enkuantu fo hanoin fali katak, rejultadu eleisaun antesipada parlamentar 2018 ne’ebe proklama hosi Tibunal Rekursu, AMP hetan kadeira 34, FRETILIN 23, PD 5 no FDD 3.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here