Home nasional FRETILIN Sei Sai Opozisaun Koresaun no Responsabilidade

FRETILIN Sei Sai Opozisaun Koresaun no Responsabilidade

136
0
SHARE
Deputadu Francisco Miranda Branco. Photo Google.com

By: Hortencio SANCHES

THETIMOR-NEWS.com, DILI – Xefe Bankada FRETILIN Francisco Miranda Branco hatete, FRETILIN sei hola pozisaun hanesan opozisaun ne’ebe tuir prinsipiu hori uluk kedan hodi halo kritiku no koresaun ba buat ne’ebe ejekutivu halo lalos.

“FRETILIN sei sai opozisaun ida ne’ebe desde uluk kedan tuir ami nia prinsipiu uluk kedan, hatur an hanesan opozisaun duni tenke kritika, halo koreksaun ba sasan hirak ne’ebe lao la los,” dehan deputadu ne’e ba Jornalista iha edifisiu Parlamentu Nasional (PN), Segunda (11/06/2018).

Nia  dehan, sira ne’ebe tur iha uma fukun PN sei halo knar  ho responsabilidade ba nasaun, ba estadu, povu no eleitores hotu.

Alende ne’e, reuniaun da-huluk V lejislatura FRETILIN sei la aprezenta lista kandidatura meza PN no kompozisaun meza.

“Ami deklara tia ona, reafirma dezisaun partidu nian inkontru lideransa no deputadu foun sira iha Sabadu liu ba hasai dezisaun katak, sei la kandidata ema seluk no sei la kandidata an,” dehan Xefe Bankada  ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here