Home nasional AMP Seidauk Iha Desizaun Final ba Kandidatura PPN

AMP Seidauk Iha Desizaun Final ba Kandidatura PPN

1011
0
SHARE
Logo AMP ne'ebe aprova iha konferensia hodi utiliza ba eleisaun antesipada

By: Hortencio SANCHES

THETIMOR-NEWS.com, DILI– Xefe Bankada CNRT Arao Noe hatete, Partidu Aliansa Mudansa ba Progresu (AMP) seidauk foti dazisaun final ba lista kadidatura meza Parlamentu Nasional.

deputadu bankada CNRT Arao Noe. Photo: Google

Arao hato’o liahirak ne’e hodi responde ba informasaun ne’ebe publika ona  hosi media balun katak nia mak sei avansa ho pakote uniku hodi lidera meza Parlamentu ba V Lejislatura, nune’e nia konsidera informasaun ne’e illegal no la los.

“Orsida sei reuniaun ho deputadus eleitu sira no lideransa masimu AMP nian foin mak foti dezisaun kona ba kandidatura, saida mak ohin publika hosi Jornal  Timor Post ne’e ami konsidera illegal,” dehan Arao ba Jornalista iha Parlamentu Nasional (PN), Segunda (11/06/2018).

Tanba ne’e, nia husu ba publiku atu hein uitoan tanba prosesu lao hela.

Nia esplika, Partidu hanesan orgaun ida kolejial no dezisaun hot-hotu deside hosi  lideransa masimu.

“Dezisaun laos kabe ba iha ema ida rua nia hakarak deit, iha reuniaun nivel altu mak foin bele publika sai se mak atu kandidatu,” dehan Arao.

Maibe nia dehan, bainhira hetan fiar hosi lideransa masimi AMP  ba nia atu lidera meza PN V lejislatura nia prontu no  la husik liu konfiansa ne’ebe fo  ba nia.

“Ami nain 34  ne’e iha direitu hanesan atu kandidata an ba lidera  meza Parlamentu, maibe konfiansa ne’ebe fo mai hau, hau sei la husik monu ida ne’e mak hau nia prrinsipiu,” dehan deputaadu ne’e.

Antes ne’e, Prezidente PN Aniceto Guterres informa, reuniaun plenaria da-huluk V lejislatura sei halo iha Kuarta 13 Juñu.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here