Home dezenvolvimentu Setor Privadu Tenke Sai Nain ba Ekonomia Nasaun

Setor Privadu Tenke Sai Nain ba Ekonomia Nasaun

652
0
SHARE
Prezidente AEMTL Herguia Alves. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Prezidente Assosiasaun Emprezaria das Mulheres Timor – Leste (AEMTL) Herguia Alves afirma, setor privadu feto Timor – Leste tenke sai nain ba ekonomia nasaun nian nune’e bele menus dependensia ba setor Publiku.

“Espetativa ami nian ba oin maka ami bele implementa duni planu estrateziku ami nian hodi halo mudansa no setor privada tenke sai nain ba ekonomia,” dehan Herguia ba Jornalista iha edifisiu Ministeriu Finansa Aitarak Larak Dili, Sexta (08/06/2018).

Prezidente AEMTL Herguia Alves . Photo: TTN/Hortencio Sanches

Nia dehan, AEMTL hanesan parseiru Governu nian mos. Tanba ne’e nia husu atu Governu foun mai tenke iha obrigasaun hodi kopera hamutuk ho sira atu dezenvolve nasaun ne’e ba oin hodi atinje Planu Estrateziku Nasional Dezenvolvimentu.

“Saida mak ami hakarak hosi Governu mak tenke hare kona ba legalidade sira hotu para hatur buat hotu iha nia fatin para ami bele assesu negosiu ho diak liu liu dalan assesu kapital finanseiru ne’e importante,” dehan Herguia.

Bainhira muda setor privadu ba dependensia setor publiku atu hamrik independente nia esplika, “Tenke iha assesu ne’ebe mak fasil ba iha kapital finanseira no Governu tenke hare kona ba oinsa mak banku sira bele fasilita diak hodi fo kredit ba setor privadu sira hoi halo negosiu.”

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here