Home nasional Zebra Hurlele Lero 3-1

Zebra Hurlele Lero 3-1

167
0
SHARE
Jogador hosi Lero tenta hadau ola hosi jogador Zebra nia ain. Photo: Media/LFA

By: Fidelio RAMOS

THETIMOR-NEWS.com, DILI – Klubu istimadu hosi Munispiu Baucau Zebra FC susesu halakon nia adversariu  Lero FC  hosi  munisipiu Lautem ho skoru 3-1 iha jornada da-nen Liga Futebol Amadora (LFA)  segunda Divizaun ne’ebe halo iha kampo FFTL Dili, Tersa (29/05/2018).

Hosi rezultadu ne’e klubu kulu gisa ne’e koileta hikas pontus tolu hodi tur iha pozisaun lima tabela klasifikasaun provizoriu ho pontus 10. Enkuantu Lero kontinua tur iha jona degradasaun ho pontus tolu.

Vitoria Zebra golu produs hosi jogador estranjeiru Mohamed Momin ’30, Gaucher Bakayoko ’74,78 no golu uniku  Lero marka hosi Alexandre Sanches ’85.

Fo hanoin fali durante jogu da-nenne’e, Zebra manan dala tolu, lakon rua, empata tolu no Lero hosi jogu hitu manan  ida  lakon nen.

Ho rezultadu ne’ebe diak treinador Zebra Rogerio Mok hatete, hakarak agradese ba nia ekipa tanba jogador sira joga tuir planu ne’ebe mak antes ne’e halo preparasaun.

“Jogu ne’ebe ami kona ho Lero ne’e joga ida sai importante los para atu motiva ami para iha joga tuir mai hodi alkansa tan pontus ida husi klubu ne’ebe ami atu hasoru,” dehan treinador ne’e.

Iha fatin hanesan treinador Lero Carlos Nunes hatete, razaun derota ho nia advesariu Zebra tanba jogador barak mak dadauk ne’e hetan sedera.

“Ami failansu tanba jogador sira troka malu to’o hotu mos sederah nafatin hodi fo impaktu ba hetan negativu,” dehan nia.

Nia hatutan, koba ba atu buka jogador foun husi klubu seluk ba hola hodi haforsa maibe kestaun finansas mak la sufisienti, maibe ho ida ne’e ba iha jogu mai mantein jogador nafatin hodi kompete.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here