Home dezenvolvimentu VII Governu Rai Hela Livru PDTS ba Governu Foun

VII Governu Rai Hela Livru PDTS ba Governu Foun

766
0
SHARE
Livru ne'ebe produs hosi Ministru Turismu Manuel Vong ho nia Vise Rui Menezes hodi rai hela ba Governu foun atu bele implementa programa sira hodi dezenvolve diak liu tan setor Turismu iha Timor - Leste

By: Hortencio SANCHES

THETIMOR-NEWS.com, DILI – VII Governu Konstitusional liu hosi  Ministru Turismo Manuel Vong hamutuk ho nia Vise Rui Menezes rai hela livru Politiku Dezenvolvimentu Turismu Sustentavel (PDTS) 2017-2030 ba Governu foun liu-liu Ministru Turismu foun bele implementa programa hirak ne’ebe iha nune’e bele dezenvolve diak liu tan Turismu iha Timor – Leste.

Ministru ne’e afirma, manual politiku ne’ebe sira hakerek bazeia ba Planu Estrateziku Dezenvolvimentu Nasional (PEDN) 2011-2030.

“Livru ne’ebe ami halo hodi fo hanoin hela ba Governu foin bele halo kontinuasaun ba Turismo ninian, iha livru ne’e ami hakerek hanesan parte ida ba  kontribuisaun dezenvolvimentu Turismu iha Timor – Leste,” dehan Ministru Vong ba Jornalista hafoin remata sorumutu ho Primeiru Ministru Mari Alkatiri iha Palacio do Governu, Tersa (29/05/2018).

Ministru Turismu Manuel Vong. Photo: TTN/Hortencio Sanches

Nia espliak, analiza hatudu Timor – Leste iha potensialidade ne’ebe bo’ot ba Turismu ninian nune’e bele dezenvolve ho diak atu bele hatam rendimentu ne’ebe diak ba estadu.

“Ita presiza  institualiza Turismu hametin regulamentasaun proteze ita nia traballadores, povu  sira nia intrese, dezenvolve Turismo ida transversal tau povu hanesan sentru  dezenvolvimentu no ikus liu tenke hari autoridade nasional Turismu ida para atu bele jere industria Turismo ne’e ho diak,” dehan Vong.

Enkuantu simu posse hanesan Ministru Turismu durante fulan 8 sira nia servisu konsege identifika ona potensialidade iha area Turismu ne’ebe presiza dezenvolve hamutuk 6.

“Iha munisipiu sira ne’e tomak primeiru Turismu Religioja no Peregrinasaun, Turismu Kultural, Turismu Istoriku, Turismu Desportivas, Turismu konvensoes no konferensias sira ne’e mak impotante la halimar  presiza ita dezenvolve ho diak,” dehan Ministru ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here