Home nasional TR Proklama Ona Rezultadu EAP 2018

TR Proklama Ona Rezultadu EAP 2018

379
0
SHARE
Edifisiu Tribunal Rekursu. Photo: Spesial

By: Hortencio  SANCHES

THETIMOR-NEWS.com, DILI – Tribunal Rekursu (TR) liu hosi Prezidente Deolindo dos Santos anunsia ona rezultadu ikus hosi eleisaun antesipada parlamentar 2018.

Logo AMP ne’ebe aprova iha konferensia hodi utiliza ba eleisaun antesipada

Hosi rezultadu ne’ebe fo sai Partidu Aliansa Mudansa ba Progresu (AMP) mak sai hanesan partidu mais votadu ho votus 309.663 (49,6%) no total kadeira 34.

Alende ne’e, FRETILIN iha pozisaun da-ruak ho votus 213.324 (34,2%). PD  okupa faze da –tolu ho votus 50.370 (8,1%) no FDD iha pozisaun ikus ho votus  34.301 (5,5%).

Liu hosi rezultadu ne’e hatudu katak partidu hat ne’e mak fiksu los ona hodi tur iha Parlamentu Nasional durante tinan lima no AMP mak sei lidera Governu tanba manan maioria.

Entretantu partidu hirak ne’ebe la liu pursentu hat hodi tama ba Parlamentu Nasional mak hanesan PEP ho votus 5.600 (0,8%), MSD 3.188 (0,5%) no MDN 4.494 (0,7%).

Hafoin remata Prezidente Tribunal Rekursu Deolindo  dos Santos hatete, ne’e mak rezultadu ikus hosi Tribunal no servisu eleisaun antesipada 12 de  Maiu to ona nia rohan.

Prezidente Tribunal Rekursu Deolindo dos Santos. Photo: TTN/Hortencio Sanches

“Servisu Tribunal nian hotu no ikus liu mak ida ohin, maibe faze sira tuir fali mai ne’e laos servisu Tribunal nian maibe iha orgaun seluk nia servisu,” dehan Deolindo hafoin taka sesaun proklama rezultadu refere  iha edifisiu TR Caicoli Dili, Segunda (28/05/2018).

Iha fatin hanesan reprezentante AMP Fidelis Magalhaes hatete, sira nia parte sei halo rekonstrusaun katak lejislatura foun sei hahu loron sanulu resin lima depois de publikasaun hosi Jornal da Republika.

“Agora AMP mak manan ona agora prepara daudaun ona kona ba programa Governu nian tomada de pose ba lejislatura foun buat sira ne’e hotu no ami preparadu hela,” dehan Fidelis.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here