Home nasional Mau-Nana, Falur, Aluk no Sabika Sei Promove ba Fitun Ida

Mau-Nana, Falur, Aluk no Sabika Sei Promove ba Fitun Ida

115
0
SHARE

By: Fidelio RAMOS

THETIMOR-NEWS.com, DILI – Hafoin halo konsultasaun hosi Konsellu Superior Seguransa (KSS), Prezidenti Republika (PR) Francisco Guterres Lu-Olo sei halo promosaun ba koronel nain hat (4) iha F-FDTL ba fitun ida ou Brigadeiru Jeneral.

Koronel nain 4 ne’e maka Mau-Nana, Falur Rate Laek, Aluk no Sabika.

Xefe Casa Militar Antonio da Silva Soares Alias Mau-Kalo hatete, PR Lu-olo sei uza nia kompetensia tomak hanesan komandante supremu hodi desidi no hasa’e promosaun ba koronel nain 4 refere.

“KSS nu’udar ogaun ida ne’ebe konsulta PR  Lu-Olo atu halo konsulta  kolia fila fali kona ba promosaun ba koronel nain ha’at husi F-FDTL nian ba jenerais hodi hasa’e  promosaun ne’ebe ohin membru konselho superior seguransa sira hotu-hotu fo sira nia hanoin kona ba promosaun ida ne’e tanba tuir lei hatete karik  bainhira prezidante atu promove sira  prezidente tenki rona lai hanoin husi   KSS nu’udar orgaun konsulta PR tanba ne’e mak diskuti liu husi inkontru atu  sira hotu fo hanoin diak maibe prezidente rona ona sira nia opiniaun,” dehan Mau-Kalo, iha Palacio Prezidensial Bairu-Pite, Segunda (28/05/2018).

Kona ba tempu bainhira mak atu desidi, nia dehan “So prezidente mak bele halo estuda no analiza  hafoin fo sai, ne’ebe hau hatete liliu sira ohin kolia oinsa hasa’e valores hodi fo ba ema hirak ne’e, tanba koronel nain 4 ne’e mos uluk halo funu durante tinan 24 iha ai laran no ikus mai alkansa independensia ba dala 16 sira mos sai nafatin forsa aramada iha F-FDTL tanba ne’e tenki presiza la’o tuir lei hodi fo avalor ba sira tuir esforsu ne’ebe durante sira halo. Sira mos  rezistensia hori uluk sira mos sai ona komandante kedas maibe liu husi pratika sira ne;e sai tia ona general maibe tenki la’o tuir lei.”

Tuir nia tanba sira mos iha  sofrementu hodi ohin ema hotu goza  tanba ne’e tenki fo valor no tenki promove maibe desizaun iha nia liman iha xefe estadu nia liman.

“sira nain 4 ne’e ema hotu kunese veteranus,” nia dehan.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here