Home nasional Makikit Laulara Manan Mihis Ultramar

Makikit Laulara Manan Mihis Ultramar

236
0
SHARE
Jogador Ultramar kamijola mutin kinur tenta hadau bola hosi defeza SLB hodi remata ba baliza. Photo: media/LFA

By: Fidelio RAMOS

THETIMOR-NEWS.com, DILI – Klubu Zigante Makikit Laulara AD. SLB iha jornada da-nen Liga Futebol Amadora (LFA) konsege hadau pontus tolu hosi nia adversariu Atletico Ultramar ho eskoru 3-2, iha kampo FFTL Dili,Segunda (28/05/2018).

Golu vitoria klubu istimadu Makikit Laulara hetan produs hosi Joao Almeida ’10, ’45+1, Yohanes Gusmao ’14.

Golu klubu istimadu hosi Munisipiu Manatuto Ultramar hatama hosi jogador  estranjeira Bernardo Freira ’36, no Gadrid Fereira ’45.

Hosi rezultadu ne’e, SLB tur iha tabela da hat lina klasifikasaun provijoriu ho pontus 11 no Ultramar kontinua mantein ho pontus 5 tur iha lina klasifikasaun 6.

Fo hanoin fali, iha jogu dala nen SLB lakon dala ida, emapata dala rua, manan dala hat. Enkuantu Ultramar lakon dala tolu, manan dala ida, empata dala rua.

Ho rezultadu ne’ebe AD.SLB rekolha Asisten Treinador AD.SLB Gaspar Pinto senti orgulho tanba ho espforsu no preparasaun konsege sai vitoria.

“Iha jogu mai ba ami nia ekipa prontu atu kompete ho sese deit tanba ami bainhira atu joga ami sempre iha target hodi manan,” dehan Gaspar.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here