Home dezenvolvimentu Dili Aero Oferese Aviaun ida ba F-FDTL

Dili Aero Oferese Aviaun ida ba F-FDTL

872
0
SHARE
Aviaun ne'ebe kompainia Dili Aero ofrese ba F-FDTL. photo: TTN/Hortencio Sanches

By: Hortencio SANCHES

TEHTIMO-NEWS.com,  DILI – Kompainia Dili Aero ho inisiativo sosa aviaun marka Sestas 172P oferese ba instituiaun F-FDTL nune’e bele kontrola Fronteira nasaun ne’e nian liu-liu iha tasi laran.

Diretor  Kompainia Aero Dili Lorenco de Oliveira hatete, aviaun refere sosa hosi Estadus Unidos Amerika (EUA) ho montante 200 mil ital nune’ebe bele kontribui ba dezenvolvimentu nasaun nian.

Aviaun ne’ebe kompainia Dili Aero ofrese ba F-FDTL. photo: TTN/Hortencio Sanches

“Hau ofrese aviaun ne’e laos hatudu katak hau osan iha mais hau hare katak ita  nia maun bo’ot Xanana Assina ona Fronteira Maritima ho Australia entaun ita tenke iha netik buat ida atu bele patrolia hodi hare ita nia Fronteira,” dehan Lorenco ba Jornalista hafoin remata serimonia intrega Aviaun ne’ebe nia sosa ba Governu liu-liu instituisaun F-FDTL iha Airoportu Nicolau Lobato Dili, Sexta (25/05/2018).

Ho oin midar emprezariu Timoroan ne’e hatete, “Objetivu hau nian ne’e, apenas saida mak hau atu fo ba hau nia nasaun laos saida mak hau tenser foti fali hosi hau nia nasaun”.

 Alende ne’e, nia hato’o mos mensazen ba pilotu hirak ne’ebe atu utiliza aviaun tenke pasiensia no kontrola kondisaun hotu iha  aviaun nia laran nune’e bele dura to tempu naraukk.

Sekretariu Jeral FRETILIN Mari Alkatiri. Photo: TTN/Hortencio Sanches

Iha fatin hanesan Xefe Governu Mari Alkatri hafoin simu Aviaun ne’e hatete, Aviaun ne’ebe  emprezariu Lorenco  intrega ba  F-FDTL hodi halo patroliamentu ba rikusoin nasaun nian no laos atu halo funu.

“Aviaun ne’e simu hosi  kompania Timoroan nian ne’ebe nia fo hanesan oferta ida ba Governu liu-liu instituisaun F-FDTL hodi halo patroliamentu laos halo funu,” dehan Alkatiri.

Nia hatutan, bainhira simu ona tenke halo manutensaun ne’ebe diak tanba aviaun laos hanesan kareta.

“Intrega ona entaun tenke prepara  an para halo manutensaun, se laiha manutensaun kareita ne’e kuandu at  nia para hela ona, maibe Aviaun ne’e falla nia monu hosi leten mai ona,” dehan Primeiru Ministro.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here