Home nasional Tempu Badak PNTL Sei Kaptura Suspeitu Baku Menoridade

Tempu Badak PNTL Sei Kaptura Suspeitu Baku Menoridade

770
0
SHARE
Komandante Jeral PNTL, Komisariu Julio Hornai. Photo: TTN/Jose Samuel

By: Fidelio RAMOS

THETIMOR-NEWS.com, DILI – Komandante Jeral Polisia Nasional Timor – Leste  (PNTL) Julio Hornay informa, iha tempu besik sei kaptura suspeitu ne’ebe baku labarik menoridade fan pentolan iha area eskola Sao Miguel nia oin Rai Kotu Dili foin lalais ne’e.

Komisariu ne’e afirma, sira nia parte hein deit despaisu hosi Ministeriu Publiku hodi halo kapturasaun ba suspeitu hirak  ne’e.

“Agora ita nia investigasaun Dili nian sei hein mandadu de kaptursaun hodi kaptura suspeitu ne’ebe mak baku labarik sira ne’e, tanba ne’e hau dehan, o kuandu halo krimi o sei la ses husi o nia respinsabilidade sa tan rai  Timor ne’e klot hansa ne’e o atu halai ba estranjeiru mos loron ida sei fila mai” dehan Komisariu Julio Hornay ba Jornalista hafoin remata sorumutu ho Xefe Estadu Francisco Guterres Lu-IOlo iha Palacio Presidencial Bairu-Pite Dili, Kinta (24/05/2018).

Alende ne’e, nia informa mos situasaun seguransa rai laran nian ba Prezidente Republika.

“Informa situasaun jeral kona ba seguransa iha rai laran tomak atu hakarak informa ba publik katak situasaun em jeral dadauk ne’e lao hakmatek laiha problema bo’ot balu mak mosu sensitivu hodi presiza toma atensaun makas,” dehan Julio Hornay.

Nune’e, nia apela ba sidadaun hotu atu hadok an hosi krimi atu nune’e bele halo aktividade tomak ho diak atu bele kontribui ba paz no estabilidade.

Editór: Hortencio SANCHES I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here