Home dezenvolvimentu FRETILIN Sei Sai Opozisaun Forte Hodi Kontrola Governu AMP

FRETILIN Sei Sai Opozisaun Forte Hodi Kontrola Governu AMP

3042
0
SHARE
Primeiro Ministro Mari Alkatiri. Photo: TTN/Jose Samuel

By: Hortencio SANCHES

THETIMOR-NEWS.com, DILI – FRETILIN liu hosi Sekretariu Jeral Mari Alkatiri afirma, prontu sai opozisaun hodi halo balansu ba VIII Governu Konstitusional ne’ebe lidera hosi, Aliansa Mudansa ba Progresu (AMP).

“FRETILIN prontu sai opozisaun ne’ebe forte ba governu ne’ebe lidera husi Xanana Gusmão ho Taur Matan Ruak atu halo reduz despezas no fiskaliza ministéiru ida hodi garante boa governasaun, korrupsaun se iha ba hasoru justisa,” dehan Alkatiri ba jornalista hafoin remata sorumutu ho Presidente Republica Francisco Guterres Lu-Olo iha Palásiu Presidensial Bairu-Pite, Kinta (24/05/2018).

Nia hatutan, FRETILIN sei opozisaun ne’ebé forte liu hodi halo fiskalizasaun hanesan Finsansa no Projetu kada ministériu iha VIII Governu.

“Retórika iha limitasaun, maibé ita lalika diskute ona buat ne’e kampaiña hotu ona, agora husik lai VIII Governu mai ho programa oinsa, naturalmente FRETILIN sei la halo movimentu ruma atu hatun Governu, hau garante, se atu monu sira maka monu husi laran kedas,” afirma nia.

Entretantu, nia dehan ko’alia konsensu tenke buka iha Parlamentu, maibé balun iha opozisaun no balun tenke iha Governu, polítika FRETILIN dezde uluk kedan saida maka interese estadu ka interese nasional tenke buka konsensus.

“Maibé seidauk iha sinal ruma ba konsensus nasional tanba ida-idak halo hela polítika internal, AMP buka atu forma Governu, FRETILIN iha situsaun ida diak liu no laiha problema, atu forma Governu dalab ruma telefone mai husi sori-sorin lo’os, maibé agora hau sente kma’an ona la iha tan ulun moras,” dehan Alkatiri .

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here