Home dezenvolvimentu Alkatiri Informa Servisu Governu ba PR Lu-Olo

Alkatiri Informa Servisu Governu ba PR Lu-Olo

175
0
SHARE
Primeiru Ministro Mari Alkatiri, Photo: TTN/Jose Samuel

By: Hortencio SANCHES

THETIMOR-NEWS.com, DILI – Primeiru Ministru (PM) Mari Alkatiri, hasoru malu ho Prezidente Repúblika (PR), Francisco Lu-Olo hodi relata situasau jerál konaba funsiomentu Governu durante ne’e.

“Ha’u mai enkontru semanál ho Prezidente Repúblika, kada semana ha’u tenke mai fó informasaun ba prezidente kona-ba funsionamentu governu inklui osan sei iha ka la’e, maibe laiha preokupasaun ho osan,” dehan Mari Alkatiri ba jornalista hafoin remata sorumutu ho PR Lu-Olo iha Palasiu Presidensial Bairu-pite, Kinta (24/05/2018).

Xefe Governu ne’e dehan, kona ba orsamentu laiha duvida ba Governasaun ne’ebe nia lidera tanba nia dehan, kuandu  Governu foun agora mak sira kaer orsamentu refere sei bele utiliza to Agostu 2018.

“VII Governu maka nafatin orsamentu duodesimu sei mantein to’o fulan Agusto, se Governu foun maka ha’u la hatene, orsamentu duodesimu ne’e se hau maka Primeiru Ministru sei garante to’o fulan Agusto,” dehan Alkatiri.

Lider ne’e afirma, kestaun relatóriu maske Governu foun bele mosu, maibé labele interrompe estadu, kontinua bainhira Governu ida sai ba dahuluk presiza prepara kondisaun atu Governasaun foun bele kontinua.

 “Estadu ne’e kontinua, bainhira Governu ida atu sai tenke prepara kondisaun ba Governu foun atu bele kontinua, relatóriu kada ministériu seidauk hatama hotu, tanba sei iha faze preparasaun relatóriu maibé ministériu tenke prepara hodi entrega hein hau fó orientasaun, ministeiru sira tenke prepara hodi entrega sira nia subtitutu,” dehan lidera masimu Governu da-hitu ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here