Home ekonomia Povu Oe-Cusse Trauma Mai Dili

Povu Oe-Cusse Trauma Mai Dili

2230
0
SHARE
Eskola oan Oe-cusse ne'ebe hela iha Dili halo hela asaun protesta ba ema deskoinesidu ne'ebe baku laabarik minoridade Oe-cusse ne'ebe fan mantolun iha Dili laran relasiona ho situasaun politiku agora. Photo: TTN/Hortencio Sanches

By: Hortencio SANCHES

THETIMOR-NEWS.com, DILI – Relasiona ho rejultadu hosi eleisaun antesipada ne’ebe halo iha semana kotu liu ba hatudu  katak, Partidu Aliansa Mudansa ba Progresu (AMP) mak sai hanesan partidu vensedor no FRETILIN hetan deit segundu lugar. Tanba ne’e iha gupu deskoinesidu balu halo ameasa ba povu Oe-Cuse no konsege baku duni labarik hirak ne’ebe durante ne’e fan mantolun iha sidade Dili.

Liu hosi Konferensia Imprensa ne’ebe halo iha Jardin 5 de Maiu Colmera dili, Kuarta (23/05/2018), hosi estudante Oe-Cuse ne’ebe hela iha Dili hatete, daudauk  ne’e povu Oe-Cuse barak sei trauma no tauk atu mai Dili hodi buka moris tanba hahalok hosi grupu deskoinesidu balun.

“Ami hosi estudante no grupu voluntariu husu ba komisariu Nasional Direitu labarik no sosiedade sivil ne’ebe mak koalia kona ba direitu labarik atu bele halo intervensaun ba kazu ema hirak ne’ebe foin lalais baku labarik Oe-Cuse oan ne’ebe fan mantolun iha eskola S. Miguel oin, maluk barak hosi Oe-Cuse to ohin loron seidauk mai Dili tanba trauma ho ameasa ne’ebe mak grupu deskoinesidu sira balun halo,” dehan portavoz Joanico Tout.

Nune’e, sira husu ba parte koompotente no Pilisia Nasional Timor – Leste hodi buka tuir ema hirak ne’ebe lansa informasaun ameasa ba povu Oe-Cuse hosi media  no buka tuir mos  autor ne’ebe baku labarik minoridade iha Rai  Kotu Dili horseik.

Portavoz ne’e hatete, Oe-Cuse mos parte hosi nasaun Timor – Leste maski lori foho no tasi haketak sira iha klaran.

Nia esplika festa demokrasia no politiku remata ona tanba ne’e, Timoroan hotu hamutuk atu lori nasaun ne’e ba oin ho dezenvolvimentu ne’ebe diak iha nasaun demokratiku ne’e.

Editóra: Agida DOS SANTOS I COPYRIGHT THETIMORNEWS © 2018

LEAVE A REPLY

Please enter your comment!
Please enter your name here